Pe. Pius Jiangron Wang “Inan Ho Aman Tenki Hatene Hanorin Oan Tuir Dutrina Nai Maromak Nian”

0
88 views

Racom Maubisse: Pároco Kuaje Paroquia Nosa Senhora de Lurdes Hato-Udo Hateten ida iha Selebrasaun Missa Loron Natal nian, no fó sakramentu Baptismu ba Sarani foun sira iha Bonuk Hato-Udo Munisípiu Ainaro Loron 24 fulan Dezembru ne’e.

Ba Inan ho Aman sira Nai Lulik ne’e husu;

“Imi núdar aman inan labele hatene produs oan deit maibe la hatene hanorin, nunka hatene sai ezemplu ba sira, dala barak imi la mai Missa ita bele bosok ema seluk maibe labele bosok Nai Maromak, Maromak konta hotu ita hanorin saida, ita halo saida, ita nia planu saida, oinsa hadomi ita nia oan laos fó sira han hemu hatais diak hotu ona maibe hanorin sira sai Maromak nia oan didiak. Imi reja Ami aman lahatene, Ave Maria lahatene tinan- tinan Nain Feto lao imi nunka reja? Tamba ne’e Wainhira sai ema katólika responsabilidade inan ho aman nian tenki hanorin”. Dehan Nai Lulik ne’e 24/12/2022.

Tamba ne’e iha Selbrasaun Missa ne’ebé presidi husi Amu Pároco Kuaje Paroquia Hato-Udo, Pe. Pius Jiangron Wang ba Sarani sira nia haklaken katak;

“Tamba ne’e Jesus mai Mundu atu sai naroman ida dada ema hot-hotu haré Nia. Halo saida Oinsa haraik-an, oinsa sai sakrefisiu ba Maromak ita halo saida deit Maromak Konta iha ne’ebá Maromak nunka dehan ita ema matenek ou ita ema bót maibe depende ba ema idak-idak nia hahalok”. Tenik Nai Lulik ne’e liu husi Homelia iha Bairu Bonuk Hato-Udo Ainaro.

Núne’e nia kuntinua Haklaken liu tan katak;

“Jesus mai Mundu atu halo lia lós no dada ema ba dalan los, Igreja nia responsablidade maka sai sasin hodi dada ema besik ba Nai Maromak. Tamba sa husu imi hotu nia dutrina ita rasik la komprende Reja oinsa o nia oan bele hatene, ita rasik la komprende ukun fuan 10 oinsa hanorin imi nia oan tuir Ukun fuan 10.” Dehan Bibiatan ba Sarani Kuaje Paroqui Nosa Senhora de Lurdes Hato-Udo.

Jornalista                     Moises da Silva Magno

Editór                          Joaquim de Fátima Coutinho 

0 0 votes
Article Rating
Subscribe
Notify of
guest
0 Comments
Inline Feedbacks
View all comments