Iha Tempu Udan, Kondisaun Estrada Difikulta Komunidade Aldeia Goulolo Maubisse Transporta Produtu Lokal Asesu Ba Merkadu 

0
69 views

Racom Maubisse (04/1/2023) Prokupasaun ne’e Ható husi Xefe Aldeia Goulolo Suku Aituto Postu Administrativu Maubisse Munisípiu Ainaro, Januario da Conçeicão Lopes iha nia Rezidensia Aldeia Goulolo hafoin hetan Vizita husi Administrador Postu Maubisse Claudino Mendonça.

Tuir Autoridade Komunitariu ne’e katak;

“Ami iha ne’e iha Produtu lokal hanesan Kafé, Koto, Fehuk Ropa, ho sira seluk tan, maibe ami atu lori ba Merkadu ne’e maka araska. Araska tamba kondisaun estrada maka hanesan ne’e” Dehan Xefe Aldeia Goulolo Suku Aituto 04/1/2023.

Nia kuntinua hatutan Estrada ne’ebe maka agora dadaun iha ne’e, komunidade Ke ho liman deit hodi fasilita sira lori produtu ba Merkadu iha tempu bailoron Maibe iha tempu udan susar atu asesu husi trasporte Roda 2 no Roda 4 Tamba tahu.

“Ami nia estrada ne’ebe agora dadaun iha ne’e ami kontribui hamutuk ho Komunidade sira iha ne’e ami ke ho liman deit, Husi PARCIC mai ajuda tan ami hodi bele loke tan estrada maibe ami seidauk senti nafatin. Tamba ne’e hau husu ba Ministru Obras Públiku se iha konsiderasaun karik ba Povu ida ne’e bele tau matan netik ba, kunadu sai ona núdar ukun ba rai ida ne’e tenki tau matan ba Povu, Povu maka hili maka imi hodi sae ba Ministru, ba Prezidente, ba Premeiru Ministru, se laiha Povu ne’e labele sae ba Premeiru Ministru” Dehan Xefe Aldeia Goulolo.

Januario da Conçeicão  kuntinua fundamenta Suku Aituto Kompostu husi Aldeia 9 maibe kondisaun estrada grave liu maka Aldeia Goulolo, Tamba ne’e nia kuntinua husu ba Governu atu konsidera no tau matan ba prokupasaun Komunidade Aldeia Goulolo.

“Husu espesial liu ba Ministru Obras Públiku tenki tau matan ba estrada ida ne’ebé maka oras ne’e dadaun ami halerik hela. Tinan ba tinan aprova orsamentu, no kolia konaba dezemvolvementu maibe hau nia Aldeia ida ne’e Sofre ba Estrada” Dehan Xefe Aldeia Goulolo ba RKMM.

Fatin hanesan Administrador Postu Administrativu Maubisse Claudino Mendonça Rekoiñese Prokupasaun Komunidade Aldeia Goulolo nian ne’e. Tuir Autoridade másimu Postu Maubisse ne’e katak, estrada hahú loke ona maibe komunidade sira susar atu ultrapasa iha tempu udan.

“Kona-ba estrada ne’ebe liga husi Suku Edi Mai Suku Aituto Estrada ne’e hahú loke ona maibe nia kondisaun seidauk diak tamba tempu udan hanesan ne’e trasporte públiku atu liu ne’e araska” Dehan Administrador Postu Maubisse ba Jornalista RKMM wainhira observa direita kondisaun estrada liga husi Kapital Postu Maubisse ba Aldea 2 maka hanesan Aldeia Raemera Suku Edi no Aldeia Goulolo Suku Aituto Maubisse Loron 04/1/2023.

Tamba ne’e enome Komunidade Aldea 2 refere Claudino Mendonça husu;

“Enome Komunoidade Suku 2 ne’e husu ba Governu Sentral liu husi Ministériu Obras Públika atu apoiu Eksa ruma para mai loke luan tan  tamba iha area rua ne’e produtu lokal barak tebes, liu-liu maka Kafé, Koto, no Seluk tan. Iha Maubisse ita hatene husi area rua ne’e nia produtu ne’e barak tebes maibe asesu ba merkadu maka susar no difikulta tebes ba komunidade sira. Ne’ebe dala ida hakarak husu ba Ministériu Obras Públiku bele apoiu netik Eksa ruma mai loke estrada ida ne’e diak liu tan para Komunidade sira mós bele senti Ukun Rasik-an ida ne’e iha sira nia Suku no Aldeia” Hateten Administrador Postu Maubisse iha Aldeia Goulolo Suku Aituto.

Entertantu Iha Aldeia Goulolo Suku Aituto Total Uma Kain  hamutuk    86, no Produtu ne’ebe fó benefisiu ba sira wainhira fán iha Merkadu hodi hetan osan ba Sustenta moris iha Familia maka Kafé no Koto, inklui ho produtu lokal sira seluk tan.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments