Racom Maubisse (13/12/2022) Responsabel servisu Edukasaun Postu Administrativu Maubisse, Lia Nain, Manorin Nain Estudante, Hamutuk Sarani Suku Maubisse Kuarta Feira ne’e Lori Ilhas S. João Paulo II Mahein ba Edukasaun Timor Leste husi Eskola Ensino Básico Central Rimori Suku Maubisse ba entrega hikas ba Lia Nain Manorin Nain, Estudante no Sarani Suku Maulau Postu Administrativu Maubisse Munisípiu Ainaro, Iha Eskola Ensino Básico Central 7 de Dezembro Bermoli Maulau.
Hafoin Intrega Ilhas Mahein Edukasaun Timor Leste Husi Eskola EBC Rimori ba EBC 7 de Dezembru Bermoli iha Maulau, Adjuntu Deirektur Eskola Ensino Bácico Central Rimori, Francisco Alberto Carlos Hateten, agradese ba entidades relevante sira nia apoiu ba durante vizita Mahein Eduksaun Timor Leste iha Eskola Sira iha Maubisse espesialmente husi Eskola Ensino Básico Central Rimori Suku Maubisse Villa.
“Husu agrdese ba entidades tomak ne’ebé maka apoiu ami hanesan ohin hau mesiona iha leten, ba ita bót sira nia servisu hamutuk kolaborasaun, kóperasaun diak ita kuida hamutuk ita nia Mahein ho nia kondisaun ne’ebe maka diak hanesan ita simu iha tinan kotuk iha rai ketan entre Ainaro ho Manufahi” Hateten Francisco Alberto Carlos Iha Eskola EBC Bermoli Suku Maulau Maubisse 13/12/2022.
Nia Kuntinua hatutan Maske Entrega ona Maibe nafatin iha Responsibidade durante Ilhas Mahein Edukasaun Timor Leste Sei Sirkula iha Postu Administrativu Maubisse tó entrega hikas ba Reponsavel Servisu Edukasaun Munisípiu Aileu.
“Laos dehan ohin ne’e ami entrega tia be ami nia responsabilidade ne’e laiha ona, ami nia responsabilidade ne’e hotu wainhira ita hotu iha ne’e hamutuk fila fali kuidadu nafatin hanesan ne’e ita lori entrega tia ba ita nia maun alin sira husi diresaun Munisípiu ida ne’ebé maka distinadu husi Ministériu Edukasaun ita foin husik ita nia responsabilidade” Hatutan Adjuntu Direktur Eskola EBC Rimori Francisco Alberto Carlos 13/12/2022.
Fatin hanesan Hafoin Simu Ilhas Mahein Edukasaun Timor Leste Hosi Manorin Nain no Estudante Eskola EBC 7 de Dezembru Bermoli Hamutuk Komunidade Suku Maulau nian, Direktur Eskola Ensino Básico Central Bermoli Pedro Salsinha Hateten, Ho Presenza Ilhas S. João Paulo II iha Eskola ne’ebé nia Lidera ba sei lori matak malirin no Espirito Matenek nian ba Estudante sira.
“Ami fiar-an katak ho S. Paulo nia presenza mosu mai iha ami nia agrupamentu ida ne’e ami sei hetan Bensaun ida liu-liu Bensaun ne’ebé maka tuir lia fuan ne’ebé maka nia hateten, Soharto haruka nia haknieak rei rai Jakarta nia la rei mai nia tó iha Timor leste iha tinan 1989 nia rei lapangan terbang Nicolau Lobato nia dehan Timor Terra de Santa Kruz” Hateten Pedro Salsinha Direjente Eskola EBC Bermoli 13/12/2022.
Biban ida ne’e mós Prezidente Komisaun Organizadora Vizita Ilhas S.João Paulo II iha Postu Maubisse, Aktual Inspektur Eskola area B Manuel Pereira katak;
“Vizita Ilhas Mahein Edukasaun iha Munisípiu Ainaro durante tinan ida, entau ita fahe ba Postu 4 Postu ida hetan fula tolu-tolu. Tamba ne’e ita nia maluk sira husi Postu 3 seluk sira simu adora hahi no hanai ba S.Paulo hotu ona posibilidade direitu tomak iha ita Postu Maubisse” Dehan Direjente Servisu Edukasaun Postu Administrativu Maubisse Manuel Pereira iha Eskola EBC 7 de Dezembru Bermoli Maulau 13/12/2022.
Nia kuntinua hakelean liu tan katak;
“São Paulo núdar Padroeiro ba Edukasaun propriu ba ami Edukasaun hau ho hau nia diretiva sira, Kórdenadores sira, Professores sira, no Estudante hot-hotu. Maibe S. Paulo II ne’e Maromak no Santo ba ita hotu, inan aman ita bót sira maka fornese estudante sira mai sai estudante fó fiar mai ami, ami nia Santo atu hein ami maka ida ne’e” Dehan Inspektur Eskola Manuel Pereira 13/12/2022.
Ba Inan aman sira Direjente Servisu Edukasaun Postu Administrativu Maubisse husu ba inan ho aman sira husi estudante atu servisu hamutuk nafatin ho eskola Durante fulan 3 Presenza Ilhas Mahein Edukasaun Timor Leste iha Maubisse Munisípiu Ainaro.
Jornalista Moises da Silva Magno
Editór Joaquim de Fátima Coutinho
