Racom Maubisse (12/12/2022) Administrador Postu Administrativu Maubisse Munisípiu Ainaro Hato ida ne’e iha Lansamentu ba Distribuisaun Orsamentu Subsidiu Fim do Ano  ba Xefe Suku Nain 9 iha Salaun Administrasaun Postu Maubisse Husi Ekipa BNCTL Munisípiu Ainaro.

“Hakarak ható ba Xefe Suku no Xefe Aldeia Sira, no ekipa pagamentu mai husi Nasional no Munisípiu atu fó proiridade ba difideinte sira, ferik katuas sira ne’ebe maka kondisaun saude la premite, no mós ba ina isin rua sira inklui sira ne’ebe maka mai iha fatin pagamentu kous ho oan nurak atu sira labele hein kleur” Husu Autoridade Másimu Postu Administrativu Maubisse ne’e 12/12/2022.

Fatin hanesan Kóedenadora Jeral ba Pagamentu Uma Kain iha Munisípiu Ainaro Silvia Verona Husi Ministériu Solidaridae Sosial no Inkluzaun (MSSI) haktuir liu tan katak;

“Antes ne’e ami nia tékniku sira halo ona sensibilizasaun iha dia 28 de Setemru atu informa ona ba autoridade Lokal sira atu fó hatene ba sira nia Komunidade sira prepara sira dokumentus, ne’ebé wainhira sira atu mai foti osan sira tenki iha Fisa Familia ne’ebe asli Eleitoral mós núne’e sira tenki lori kopia ida para ami bele rekolla ida ne’e deit” Dehan Kórdenadora Jeral ba Pagamenru Subsidiu Fim do Ano ba Uma Kain Munisípiu Ainaro 12/12/2022.

Nia Kuntinua husu ba Benefisiuariu sira katak;

“Atu husu ba hot-hotu karik foti osan iha Meja Favor sura kedas imi nia osan iha meja antes husik fatin” Husu Silvia Verona Funsionariu Husi MSSI, hanesan Kódenadora ba Pagamentu Subsidiu Fim do Ano ba Uma Kain Iha Munisípiu Ainaro.   

Entertantu  Benefisiuariu Husi Suku 9 no Aldeia 62 iha Postu Administrativu Maubisse  Hamutuk 6.148 (Rihun Nen Atus Ida Hát Nolu Resin Walu)  Ho Orsamentu Hamtuk Miliaun Ida resin. Total Benevisiuariu iha Munisípiu Ainaro Hamutuk 17.244 (Rihun Sanolu Resin Hitu Atus Rua Hát Nolu Resin Hát) no osan ho nia Montante Miliaun 3 Resin.

Jornalista                     Moises da Silva Magno

Editór                          Joaquim de Fátima Coutinho