Racom Maubisse (28/11/2022) Direktur Jeral Dezemvolvementu Rural Ministériu Administrasaun Estatal (MAE) Rosito Guterres Sai Hanesan Inpektur Seremonia Komemorasaun Aniversariu Proklamsaun Independencia Unilateral, loron 28 fulan Novembru 2022 ba dala 47 iha Postu Administrativu Maubisse Munisípiu Ainaro.
Hafoin de Seremonia dadasa’e Bandeira Nasional RDTL no Lé Diskursu Husi Prezidente da Rapúblika Jose Manuel Ramos Horta, Liu husi intervista ho Jornalista Radiu Komuidade Maubisse Mau-Loko, Direktur Jeral ne’e hateten;
“Ohin mai iha ne’e bajeia ba Konvite husi Autoridade Lokal, no Komunitáriu sira, ne’ebé hamutuk ho Populasaun seguransa sira hotu iha Postu Administrativu Maubisse sira mós iha eventu ida ke selebrasaun Aniversariu loron Proklamsaun Indepedensia ba dala 47 iha Postu Administrativu Maubisse. Entaun bajeia ba sira nia Konvite hau mai para atu sai hanesan Inspektur da Seremonia iha eventu ida ne’e tamba bajeia ba sira nia programa sira nia Konvite prepara entaun hanesan reprejenta husi Ministériu Sentral kuntinua respeita nafatin sira nia Konvite í mai asumi knár hanesan Inspktur da Seremonia iha Postu Administrativu Maubisse” Haktuir DJ Rosito Guterres ba Jornalista iha Prasa de Maubisse loron 28/11/2022.
Direktur Jeral ne’e kuntinua hatutan katak, mesmu ke Selebrasaun Loron Nasional ne’e iha Postu maibe kompara ba partisipasaun Komunidade hanesan mós ho Munisípiu Sira.
“Mesmu hanesan Postu Administrativu maibe hanesan ita akompaña entermus de Populasaun, entermus de preparativu, intermus de mobilizasaun populasaun mesmu Postu maibe bele mós barak hanesan iha Munisípiu Sira. Mesmu ke sira nia preparasaun ou rekursu naton inisiativa rasik maibe realizasaun eventu ida ne’e siknifikante tebes” Rekuñese Direktur Jeral Dezemvovementu Rural Husi Ministériu Administrasaun Estatal (MAE) Iha Maubisse 28/11/2022.
Entertantu Komemorasaun Loron Proklamasaun 28 de Novembru 2022 iha Maubisse ho Orsamentu ne’ebe maka Governu Sentral mai Munisípiu no Aloka ba Postu Administrativu Maubisse hamutuk $ 750 (Dolar Atus Hitu Lima Nolu), no Apoiu husi Sekretaria Estadu Juventude no Despostu ba Jogu Komunitaria iha Postu Administrativu Maubisse hamutuk $ 2.590 (Dolar Rihun Rua Atus Lima Sia Nolu)
Jornalista Moises da Silva Magno
Editór Joaquim de Fátima Coutinho
