Racom Maubisse 07/11/2022, Uma Lisan Koufu ne’ebe lokaliza iha Aldeia Rimori Suco Maubisse Villa, Posto Maubisse, Municipiu Ainaro, foin mak hari hikas fali iha tinan 2022, tamba iha tinan 19975 Hetan Estragus.

 Ba radio Komunidade Maubisse Mauloko, Prezidente Komisaun Organizadora ba konstrusaun uma lisan koufu, Zacarias Bossa Hatete;

“Uma Lisan Koufu Hetan Estragus Iha Tinan 1975 foin mak uma oan sira reuni hikas fila fali hodi hari iha tinan 2022, tamba ne’e mak Agora atividade kultura suku uma lisan Koufu Maubisse Riamori oras nee daudaun iha ami nia leet iha administrador do postu,  komandante esquadra no xefi do suku maubisse villa ho xefi aldeia nain hira hamutuk iha fatin ida nee hodi realiza suku uma lisan koufu”.

Komisaun Organizadora ne’e hatutan liu tan katak;

“Uma lisan nee akontese iha 1975 akontese FRETELIN HO UDT sunu malu no oho malu depois estraga tia iha tinan barak, uma nain nebe iha uma lisan nee mate hotu hela deit katuas ida ho nia maun alin nain rua ida iha maliana no ida tentara iha kupang neeba oras nee, daudaun nain rua lamai maibe ida oan mak mai iha ne’e hamutuk ho ami hodi hari hikas fali”.

Presidente Komisaun ne’e haklean liu tan katak;

“Ami sira mai barak iha nee mai atu tula liman ba hodi ajuda nia  hodi hatutan nia kbiit tanba nee mak oras nee ami iha nee Ami familia hanesan umane mane foun hamutuk atu forma komisaun kiik ida I hau rasik mak hanesan komisaun organizadora ba kontrusaun uma lisan koufu”.

Ami halo ona proposta ba governu liu husi secretario estado arte no kultura tanba uma nain nee mesak kbiit latoo maka ami submete proposta ba iha sekretariadu estadu arte I kultura iha tinan kotuk, maibe osan nee lasai, e tuir informasaun katak iha 2023 fulan fevereiru ka marsu karik bele hetan iha inagurasaun  hanesan ajuda nebe sira kontribui ba fatin fatin.

Jornalista       :Natalino Mendonca

Editor             :Joaquim De Fatima