Racom Maubisse, 11/11/2022 Juventude Post Independensia presija kaer metin valores rejistensia hodi kontribui ba konstrusaun estadu, relasiona ho serimonia importanteba komemorasaun 12 de novembro, komisaun organizadora komemorasaun 12 novenbru munisipiu ainaru realiza seminariu ba foinsa’e no estudante sira iha municipiu ainaro.
Ba Radio Komunidade Maubisse Mauloko, Presidente Komisaun Organizadora Raul Jose de Araujo hatete;
“Seminariu nee atu hametin valores rejisntesia nian hodi kontribui ba konstrusaun estadu”.
Iha fatin hanesan orador no sobrevivente 12 de Novenbru 1991, Vasco Gomes Araujo iha nia intervensaun;
“Husu joventude sira atu buka hatene estoria passadu nune’e iha responsabilidade hodi kontribui ba dezenvolvimentu nasaun espesialmente munisipiu Ainaru”.
Alende seminariu, komisaun organizadora mos planeia sei halo atividades hanesan kuda-ai oan iha Jakarta dua, ho atividades misa no karii aifunan.
Jornalista :Natalino Mendonca
Editor :Joaquim De Fatima
