Responsabel Edukasaun Postu Maubisse Professores No Estudante Simu Mahein Edukasaun S. João Paulo II Husi Postu Hato-Builico

0
247 views

Racom Maubisse (14/11/2022) Segunda feira loron 14/11/2022 responsabel Esdukasaun Postu Administrativu Maubisse, Autoridade Lokal, Direktores Eskola, Kórdenador Eskola Filiais, Lia Nain Maubisse, no Estudante Sira simu Mahein Edukasaun Illas São Paulo II Iha Lesuhati Suku Aituto, husi Postu Administrativu Hato-builiku Municipiu Ainaro.

Antes entraga Mehin ba Edukasaun iha Timor Leste, Prezidente Komisaun Organizadora ba Vizita Illas S.Paulo II iha Hato-builiku Manuel Pereira hateten;

“Hau nia lia menon ba maluk sira husi Postu Maubisse, simu ba no kuidadu ba tamba Maubisse ho Hato-Builiku la seluk no lét mesak fetosan ho Umane, hanesan ema nia lian dehan “Nam Ehan Seki Ro Neon Seki Ro” ita nia kultura ne’e ida deit. Bainhira ita hamutuk entrega ba iha Municipiu Aileu, maibe wainhira sei sirkula hela iha Maubisse, Hato-Builiku,  Ainaro, no Hato-Udo ne’e katak iha hela Ainaro nia laran tomak responsabel ne’e ita hotu nian. Ne’ebe ohin intrega fila fali ba ita bót sira bele kuidadu didiak ba tamba iha hela ita nia Postu nia laran bainhira maka ita intrega tia ba Municipiu seluk hafoin maka remta ita hotu nia responsabilidade” Hameno Responsabel ba Vizita Mahein edukasaun Timor Leste durante fulan 3 iha Postu Administrativu Hato-Builiku Municipiu Ainaro 14/11/2022.

Fatin hanesan  Impektur Eskola Zona A  sesante Postu Maubisse Pedro Mendonça Iha Lesuhati Hafoin simu Illas S.Paulo II hateten;

“Premeiru hau agradese ba Professores  Estudante sira no mós sarani sira husi Hato-Builiku mesmu ke nia rohan ba ohin ida ne’e atu bele entrega ba Postu Administrativu Maubisse. Maibe laos nia ninin no rohan maka ohin deit maibe nia rohan no ninin wainhira  Municipiu Ainaro intrega ona ba Municipiu sira seluk”  Hateten Pedro Mendonca Iha Lesuhati wainhira Simu Illas Mahein Edukasaun São Paulo II loron 14/11/2022.

Alende ida ne’e ba Jornalista Radiu Komunidade Maubisse Mau-Loko Vise Prezidente Komisaun Organizadora Vizita Illas Mahein Edukasaun nian iha Maubisse Prdro Salsinha, Aktual Direktur Eskola EBC 7 de Dezembru Bermoli   Maulau hateten Vizita Illas S.Paulo II iha Postu Administrativu Maubisse sei termina iha loron 14 fulan Febreiru 2023.

“Kada Postu ida hetan direitu ba fuan 3,agora ami simu iha 14 de Novembru termina fali iha dia 14 de Febreiru 2023. Ne’ebe 90 dias ne’e hela ho ami Estudante, Manorin sira iha Postu Maubisse” Afirma Komisaun Organizadora ba Vizita Illas São Paulo II iha Posstu Administrativu Maubisse Municipiu Ainaro 14/11/2022.

Tamba ne’e Aktual Direktur Eskola EBC 7 de Dezembru Bermoli Maulau ne’e husu;

“Ami nia lia menon atu husu ba Manorin nain ne’ebe ejisti iha EBC Flecha ho ninia agrupamentu, núne’e mós ba EBC sira seluk ho nia agrupamentu sira, atu tau responsabilidade. Ba fali Sarani sira no Autoridade tomak ita hatene katak Mahein maka ba  Ministériu Edukasaun  maibe Santo liu-liu ba Timor, ne’ebe ami husu sira koperasaun sira nia partisipasaun atu núne’e tó ami nia responsabilidade liu-liu ba Municipiu Ainaro espesial ba Postu Administrativu Maubisse” Husu Vise Prezidente Komisaun Organizadora ne’e 14/11/2022.

Entertantu durante Vizita Mahein Edukasaun Timor Leste São Paulo II iha Municipiu Ainaro,Vizita ona Eskola Sira Iha Postu Administrativu Ainaro Villa, Hato-Udo, Hato-Builiku, no iha loron 14/11/2022 Husi Postu Hato-Builiku Entrega hikas mai iha Postu Administrativu Maubisse. 

Alende  Illas S.Paulo II sei hela iha Postu Administrativu Maubisse   durante loron 90 hafoin entrega hikas ba Municipiu Aileu iha Fulan  Febreiru 2023.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments