Racom Maubisse (16/11/2022) Xefe Aldeia Rita Suku Maulau Francisco Soares Tomas  ható prokupasaun ne’e wainhira mobiliza komunidade sira hamós no taka estrada Kuak Iha Auslara dalan liga ba Postu Administrativu Turiscai Municipiu Manufahi.

Tuir Autoridade Komunitario ne’e hateten, liu husi Programa Mão de Obra ne’ebe maka implementa dadaun ne’e diak ba Komunidade sira no Juventude sira iha Suku no Aldeia, maibe nia kuntinua husu ba Governu liu-liu ba parte kompetente presija hadia ho diak liu tan atu nune’e bele fasilita komunidade sira transporta produtu ho lais ba merkadu atu bele hetan osan ruma hodi sustenta vida moris iha familia uma laran.

“Hau haré obra ne’e Governu halo buat diak ba Komunidade sira no Joven sira mós la abandona. Ajuda taka netik be dalan sira ne’e para komunidade sira produtu lokal liu ba mai ho diak, Agora hau hakarak husu ba Governu atu hareé netik dalan sira ne’e presija hadia diak liu tan agora dalan ne’e asesu ba Suku Edi, Fatubesi, Maulau, Manetu, no Suku Manelobas ba tó Turiscai sira liu husi fatin oan ne’e. Durante ne’e Governu lakohi selu Kompañia Montana diak para hadia estrada ida ne’e diak liu tan hodi Komunidade lori produtu lokal ba iha Merkadu” Hateten Xefe Aldeia Rita Iha Auslara Maubisse 16/11/2022.

Nia Konsidera Programa Mão de Obra ne’ebe maka lao dadaun ne’e hanesan Paete ida hodi ajuda Komunidade sira iha baje.

“Ida ne’e ajuda ona Komunidade sira tamba saida? Estrada taka hanesan ne’e para bele ajuda Komunidade sira lori produtu lokal ba no mai” Afirma Xefe Aldeia ne’e 16/11/2022.

Entetantu liu husi Programa Mão de Obra ne’ebe maka lao dadaun iha Postu Administrativu Maubisse, Komunidade sira hadia no taka ona dalan kuak sira husi Balija Urahou tó ona iha Area Suku Edi Postu Administrativu Maubisse Municípiu Ainaro

Jornalista                     Moises da Silva Magno & Natalino Mendonca

Editór                          Joaquim de Fátima Coutinho