Sobrevivente 12 de Novembro Bonifacio Sereno Ramalho  Husu Juventude Ohin Loron Banati Tuir Juventude Sira Uluk

0
199 views

Racom Maubisse (11/11/2022) Juventude Resistensia ne’ebe maka hola Parte mós iha Masakre 12 de Novembro 1991, Bonifacio Sereno Ramalho Aktural Direktur ba Organizasaun Nao Govermetal MAHARU fó sai lia hirak ne’e ba Juventude no Estudante Sira iha Postu Administrativu Maubisse Municipiu Ainaro, wainhira sai hanesan orador ba Mini Siminariu ho tema  “Haré ba Historia Hanesan Buake Mai ita, Juventude Maka Rín ba Nasaun”, Hodi Komemora Loron Nasional Juventude loron 12 Fulan Novembru iha Postu Administrativu Maubisse Municipiu Ainaro loron 11/11/2022.

Aliende iha hodi fó Ondra ba Juventude Loriku Asuain ne’ebe fó sira Vida ba Luta Libertasaun Nasional loron 12/11/1991 iha Santa Krus Dili Timor Leste.

“Ne’ebé husu deit ba alin sira Juventude ohin loron nian ne’e maka ne’e, Juventude ida uluk ne’e kria amizade,fraternidade, hadomi malu tebtebes. Juventude ida agora ne’e kria konflitus tamba sa maka hau kolia ida ne’e? Se ita kria ona konflitus ema atu mai investe iha ita nia Rai ne’e ema tauk, ema tauk tamba saida tamba ita hamosu konflitus laiha dame laiha paz esntaun ita remata ita nia estudu ita buka servisu laiha ita kestiona ba Estadu. Tamba problema laos mai husi ferik katuas sira maibe problema ne’e mai husi Juventude sira foinsa’e ne’e, ne’ebé dala ida tan hakarak fo hatene ba ita bót sira katak 12 de Novembru  laos asaun ne’ebé maka akontese deit iha Timor maibe asaun ne’ebe maka akontese ba Mundu Internasional loke matan hodi fó apoia ba Timor ohin loron hetan ona ninia Vitória tamba ne’e mai ita hamutuk hodi kria dezemvolvementu ba ita nia Rain” Hateten Maun Boni Aktual Direktur Fundasaun MAHARU iha Salaun Administrasaun Postu Maubisse 11/11/2022.

Ligado ho tópiku ba Siminariu ida ne’e hateten, “Haré ba Historia Hanesan Buake Mai ita, Juventude Maka Rín ba Nasaun”, Eis Juventude Rejistensia ne’e fundamenta liu tan katak;

“Rin ba Nsaun, Sosiadade, no Rin ba Familia, se ita Joven maka  Joven sira maka la kohi sai Rin ba Nasaun, Sosiadade no Rin ba familia maka ita hakarak ita Joven ne’e la kontribui, ita tenki relebra tenki hanoin fila fali saida maka Joven sira uluk halo? Ami sira ne’e mós uluk sai responsabel ba Juventude Igreja Paroquia Maubisse ida ne’e hodi lori Estatua ba tau iha Ramelau. Joven sira uluk ne’e o haruka dehan halo saida deit sira halo mais maka sira nia lia fuan sempre hateten katak mate ka moris tenki Ukun Rasik-an Joven hot-hotu kolia ida ne’e ne’ebé ita hot-hotu tenki apresia” Afirma Bonifacio ba Juventude Postu Administrativu Maubisse loron 11/11/2022.

Despois de halao Siminariu Aturidade Lokal Postu Maubisse, Juventude Hamutuk ho Estudante Sira halao mós Vizita ba Iha Ospital Referal Maubisse hodi Oferese asaun Karidade Liu husi Aifuan ba Pasiente sira ne’e maka baiza/ halao tratamentu saude iha Ospital Referal Maubisse.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments