Racom Maubisse (24/10/2022) Ligado ho Loron Ijame Nasional ne’ebe maka Realija mós iha Eskola Sekundariu Tékniku Vokasional (ESTVA) Horaiquik Maubisse Municipiu Ainaro ba Loron dahuluk nian, Direktur Eskola ESTVA Horaiquik Sancho José Amaral Liu husi Intervista iha nia Knár fatin hateten, Ijame Nasional ba tinan ne’e laiha problema tamba totál Estudante ho nia númeru ne’ebé maka kík.

“Ba Periode ida ne’e tamba ho númeru Estudante ne’ebé maka kík entaun ami la hasoru problema barak, ami iha ne’e toál Estudante Finalista iha 32, 33 be ida dejistiu. Ida ne’e maka tuir Ijame ne’e iha Feto ne’e 16 no mane 17” Relata Direktur Eskola ne’e 24/10/2022.

Nia Kuntinua fundamenta liu tan katak totál Professores iha Eskola ESTVA Horaiquik hamutuk 19 kompostu husi Permanente Nain 4 no Kontratadu hamutuk 15 ne’ebe maka oras ne’e dadaun haknár-an iha Eskola Sekundariu Tékniku Vokasional Horaiquik Maubisse Municipiu Ainaro.

Entertantu Numeru totál husi Estudante Eskola Tékniku Vokasional Ne’ebe maka Partisipa iha Ijame Nasional ba Tinan ne’e iha Municipiu Ainaro  hamutuk 215 kompostu husi husi Postu Administrativu Ainaro Villa, Hato-Udo, Hato-Builiku, no Postu Administrativu Maubisse Municipiu Ainaro.

Jornalista                     Natalino Mendonça

Editór                          Moises da Silva Magno