Clubu Futsal Maukuru Maubisse, Loke Abertura Ba Jogu Futsal Hodi Komemora Loron Masakre 12 de Novenbru

0
180 views

Racom Maubisse 20/10/2022, Clubu Maukuru Cup Loke Abertura Ba Jogu Futsal Iha Postu Maubisse Hodi Komemora Loron Masakre 12 de Novenbru, iha abertua Administrador Posto Administrativo de Maubisse Claudino Mendonca Hatete Maukuru Cup Loke Abertura Ba Jogu Futsal Iha Postu Maubisse Hodi Komemora Loron Masakre 12 De Novenbru 1991-2022.

Ba jornalista racom maubisse Administrador Posto Administrativo de Maubisse Claudino Mendonca hateten katak;

“Abertura ba desportu futsal hodi komemora loron masakre santa kruz, loron Nasional Juventude Loriku Aswain nebe fo sira nia isin no ran hodi sosa Independensia Timor Leste ne’ebe monu iha 12 de Novenbru 2022”.

Lideranca Posto Administrativo maubisse ne’e hatutan liu tan katak;

“Uluk ita hatene katak 12 de Novembro 1991, joven sira maka sakrifika sira nia an hodi hatudu ba mundu nune’e oddamatan mundia nian nakloke hodi koinese timor nia luta, ne’ebe loron boot nasional iha Postu Adminitrativu Maubisse, ita la husik leet deit maibe ho inisiativa presidente FC Maukuru nomos organiza husi komisaun organizadora hodi loke desportu futsal ba joven sira hodi anima ita nia komunidade em jeral iha Postu Administrative Maubisse”

“Jogo ida nee laos atu hadau tasa boot ruma ka piala ou osan boot ruma lae, maibe hanesan divertementu ida atu anima ita nia joven sira, tanba sira mak future ba nasaun Timor Leste, tanba nee joga karik hare mak bola laos tebe malu mak balu tohar ou kanek tau todan hela ba komisaun organizadora tanba ne’e garante ho jogu nebe mak diak no maturidade desportu”.

Nunee mos OPS suku Maubisse Villa Serafin Nunes iha niaIntervensaun  hateten mos katak;

“Perante Jogu ida ne’e seguransa iha ita hotu nia liaman atu garantia jogu amizade nee too nia rohan, tamba jogu amizade ne’e atu komemora loron joventude loriku aswain 12 de Novembro, tamba ohin loron ita sira nebe moris atu selebra joventude nebe mate ona iha masakre Santa Kruz hodi fo sira nia ruin no ran hodi hetan ukun rasik-an tanba nee ita sira moris tenki halo reflesaun ba sira nia mate”.

Husu ba imi nebe maka sai rin ba rai ida nee, hatudu imi nia talentu joga ho tekniku laos ita boot sira joga tebe malu fali, maibe liu husi jogu ida ne’e hatudu ita nia unidade hamutuk hanesan kruz nebe ita hotu lori ba tau iha foho Balibo, ha’u OPS garantia katak seguransa iha ita hotu nia liman”. Hateten ops Suco Maubisse Villa

Entretantu Jogu Amizade Maukuru Cup Nee Total Clubu 17 Rejistu $ 30.00 kada klubu ida-idak no fundus mai husi maukuru rasik  hodi komemora loron nasional masakre sanra kruz, partisipa iha abertura jogu nee mak hanesan Xefi do Postu Maubisse,  OPS Suco Maubise Villa, Chefe do Suco Maubisse Villa, Chefe Aldeia, Adeptus no Komunidade Suku Maubise Villa.

Jornalista         : Natalino Mendonca

Editor              : Joaquim de Fatima 

0 0 votes
Article Rating
Subscribe
Notify of
guest
0 Comments
Inline Feedbacks
View all comments