Racom Maubisse (16/10/2022) Prezidensia Kosellu Ministrus,Fidelis Manuel Leite Magalhães, ható mensajen ne’e ba Jornalista Sira iha loron 16/10/2022, wainhira partisipa iha lansamentu Loron Nasional Liberdade Imprensa, no lansa fatuk dahuluk ba monumentu Liberdade iha Postu Administrativu Balibo Municipiu Bobonaro.

“Sira laos ema Timor sira tenki senti solidariza ho ita, ne’ebé sira hatene katak sira laos deit Jornalista bai-bain sira hanesan ema sira ne’ebé maka lori iha sira nia kabas hanoin diak liu ba Mundu ida ne’ebé diak liu ba unidade tamba sira Jornalista. Entaun sira husik sira nia uma, sira husik sira nia moris, sira mai iha povu ida ne’ebé sira la koiñese, la presija atu sai solidaridade ba povu ida ne’e maibe sira nufim sai duni. Fó deit mensajen ruma ba ita bót sira, ba kolega sira, Jornalista sira, hau ho haraik-an atu husu ba ita bót sira favor ida Jornalista sira alin sira premeiru ita bót sira kuntinua nafatin avansa ho ajenda sira Internasionalista e espera katak Jornalista sira kuntinua nafatin hanoin Internasionalista katak sofrementu hotu iha Mundu ne’e mós sai hotu imi nia prokupasaun iha Timor Leste ida ne’e,  ne’e hau nian husu ba ita bót sira” Dehan Governante ne’e Iha Balibo 16/10/2022.

Ho ida ne’e Ministru Fidelis kuntinua afirma liu tan katak’

“Ita lansa loron ida ne’e espera katak iha tinan barak nia oin ita sei kuntunua nafatin selebra loron ida ne’e, no selebrasaun loron ida ne’e sei fó hanoin nafatin mai ita koba-ba importansia husi Liberdade no ita hotu kuntinua kontribui hodi halo metin Liberdade iha ita nia rai”  Afirma Ministru Fidelis 16/10/2022.

Iha fatin hanesan Prezidente Konsellu Imprensa (KI) Virgilio da Silva Guterres hateten ba Oin Sei Kuntinua nafatin halo kóperasaun diak liu tan ho MAPKOMS, SEKOMS atu komemorasaun ida ne’e lao diak liu tan iha tinan oin, tamba nia kosidera komemorasaun ida ne’e sai hanesan komemorasaun Estadu Timor Leste nian.

“Ami hein katak ba tinan oin ami nia komunikasaun ho MAPKOMS ho SEKOMS, ho mós Ministériu sira seluk bele metin liu tan hodi bele marka presenja. Mensajen maka ne’e ba tinan oin ita hotu buka hakás-an hodi bele komemorasaun ba Loron Liberdade Imprensa iha Balibo ne’e laos Konsellu de Imprensa, laos CNC nian maibe komemorasaun Estadu e Komunidade Balibo ninian, Komemorasaun Municipiu Bobonaro ninian” Dehan Prezidente KI Virgilio da Silva Guterres 16/10/2022.

Entertantu Jornalista Nain 5 ne’ebé maka mate iha  Balibo Five maka Greg Shaxkloten, Tony Stewart, Gary Cunninghan, Brian Peters, no Malcon Rennie.

Jornalista                   Joaquim de Fátima Coutinho

Editór                          Moises da Silva Magno