Racom Maubisse, 6/10/2022, Tinan barak nia laran, sarani posto Hatobuilico hein kleur bainhira los mak igreja ida ne’e bele transform aba sai paroquia, mehi ida ne’e lao tinan naruk nia laran, amululik lubuk ida troka ba mai maibe seidauk hetan deit informasaun kredivel konaba bainhira los mak Hatobuilico sai paroquia.

Ho graca Na’I maromak nia ne’ebe haraik ba Sua Eminencia Dom Virgílio Cardeal do Carmo da Silva SDB, nia futar matan ikus mai deklara Igreja Hato-Builico Sai Nu’udar Parokia iha dia 6 de Outubro 2022.

Ba radio Komunidade Maubisse mauloko, loron kinta feira 6 de Outubro 2022, Iha Omilia Súa Eminencia Dom Virgilio Cardeal do Carmo da Silva Deklara katak;

“Hato-Builiku Sai Nu’udar Parokia Ida Laos Ona Estasaun Misionariu, Tanba Ne’e Kardeal Timor-Oan ne’e husu sarani sira iha Hato-Biliku atu badinas ba missa”.

Iha Oportunidade Ne’e  Dom Virgílio Cardeal do Carmo da Silva SDB, Fó Posse ba Vigariu Maubisse Padre Francisco Soares  Fernandes  nu’udar Padre Parokia Nossa Senhora da Graca Hato-Builiku.

Iha Fatin hanesan, Komisaun Organizadora Orlando de Jesus Mota, konfirma katak;

“Konstrusaun ba igreja Hato-Builiku hahú iha tinan 2010 ho kontrbuisaun osan hosi komunidade Hato-Builiku, emprezariu balun no gabinete apoiu sosiedade sivíl ho total orsamentu rihun atus tolu”.

Entretantu, igreja ho medida vinte vezes sinkuenta doiz ne’e ninia konstrusaun finaliza iha fulan setembru tinan 2022 nia rohan, ikus mai konvida Súa Eminencia Cardeal bele mai halao inaugurasaun, aumesmu tempu foti amu vigariu maubisse ba sai primeiro Paroco no komemora mos 25 anus existensai Nain feto Ramelau.

Jornalista                     Marcelina Henrique

Editór                          Joaquim Coutinho