Racom Maubisse (10/09/2022) Leonito do Nacimento Ofisial ba Projetu HAPAS/SAPIP, hateten ida ne’e ba Jornalista Radiu Komunidade Maubisse hafoin fasilita Grupu sira asina Dukumentu ka Proposta iha Sede Suku Leolima Postu Administrativu Hato-Udo Municipiu Ainaro Sabadu Fim de Semana ne’e.
“Objecivu ida ohin ita hasoru malu fali ho Grupu sira iha Suku Leolima ne’e, atu hamutuk ho sira prepra sira nia Proposal ba Teknolojia Post Koileta ninian hodi bele asesu osan kona-ba Fundus ida Teknolojia Post Koileta ninian. Objetivu ida seluk maka ita atu ho Grupu sira kuntinua prepara sira nia relatóriu Fundus kík ba 10% ninian ne’ebe maka fulan kotuk liu ba ita fó tia on aba sira” Tenik Leonito ba Jornalista RKMM 10/09/2022.
Leonito Hatutan Proposta ida ne’e kada Grupu sira sei simu Ekipamentus sira hanesan Mákina Produs Mina Nú, Loke Kami, no Mákina Rontok Haré inklui dulas batar nian ne’ebe maka propoin husi kada Grupu sira.
“Total Grupu ne’ebé maka ohin asina dukumentus atu asesu ba orsamentu Teknolijia Post Koileta ninian ne’e total Grupu iha 27 tuir los iha 28 maka ejisti iha Suku Leolima ne’e maibe iha Grupu ida maka la partisipa” Dehan nia 10/09/2022.
Ofisial ba Projetu Leonito kuntinua klarifika liu tan katak;
“Material ne’ebe maka sira ida-idak ható mai iha ne’e barak liu ne’e hare ba iha ekipamentus oi-oin ba iha Post Koileta ninian hare liu ba iha aktividade agrikultura ninian. Iha Mákina ida loke Kami Kulit, Dulas Nú, ida seluk maka Mákina Dulas Haré ninian” Leonito Hateten 10/09/2022
Jornalista Moisese da Silva Magno
Editór Joaquim de Fátima Coutinho
