Racom Maubisse (09/09/2022) Prezidente Conselho Combatentes Libertasaun Nacional (CCLN) Vidal de Jesus “Riak Leman Hateten ida ne’e iha Seremonia Halot Restus Mortais Saudosu Miguel Xavier ne’ebe maka Militar Indonesia Kaptura Oho no Hakoi moris iha Postu Administrativu Hato-Udo Ainaro husi Nangala 55 iha tinan 1984.

“Iha Timor Laran ne’e hau Perkore hotu hau Nunka rona ema hakoi ema ida hodi hasa’e Bandeira, oho ema ida hodi hasa’e Bandeira. Fatin bar-barak hau liu mais hau nunka rona iha Jakarta 2 so Ainaro maka Jakarta 2 iha, tamba sa? Apodeti sira nia hun iha ne’ebá Povu bók-an la diak. Ne’e maka Maun Bót Xanana Akompaña ho Rekonsiliasaun Funu hotu ona ita hotu Amigu” Dehan Vidal de Jesus “Riak Leman iha Hato-Udo Municipiu Ainaro 09/09/2022.

Lider Rejistensia Durante Tinan 24 ne’e  kuntinua  hatutan liu tan katak;

“Ita nia Heroi ita nia Saudosu Miguel Xavier nia laos mate iha faje de Gerilla lae Baje de Apoiu rahun ne’e maka nia mai Populasaun la subar tó ema oho tia. Ami sira ne’e Populasaun maka subar iha Mau-Chiga Dare ne’ebá, Subar iha Daisua, Grotu ne’ebá, tamba ida ne’e maka iha 82 levantamentu iha Mau-Chiha Dare, Rotuto, iha Hato-Builiku barak maka ba para tia iha Atauro, barak maka tún tia ba Betano, barak ne’e ema Sunu Moris deit hau rona dehan ema kolu molik mós ema balu lao molik deit husi Ainaro ba tó iha Mau-Chiga Dare ne’ebá” Haktuir Prezidente CCLN Nasional Vidal de Jesus Raik Leman iha Hato-Udo Municipiu Ainaro 09/09/2022

Jornalista                     Moisese da Silva Magno

Editór                          Joaquim de Fátima Coutinho