KI Realiza The Dili Dialogue Forum 2022, Presidente KI Husu Jornalista No Media Nain Sira Respeita Kode Etika Jornalismu

0
210 views

Racom Maubisse, 25/08/2022, Kada Tinan Konselho de Imprensa Timor Leste sempre realiza The Dili Dialogue Forum (DDF), maibe tinan liu ba labele realiza tamba moras Covid-19 invade mundu tomak inklui Timor Leste, nune’e labele realiza no iha tinan ida ne’e 2022, foin realiza. Iha halao serimonia The Dili Dialogue Forum (DDF) 2022 iha CNE Lalini Larigutu Dili, participa direta husi Presidente da Republica Aumesmu tempu hodi loke abertura, Konvidadus sira husi Rai liur no rai laran, hanesan Konselho Imprensa husi Tailandia, Indonesia, Myanmar, Filipina, Australia nomos UNESCO, no tema ba The Dili Dialogue Forum (DDF) 2022 maka “Media Challenges in Timor-Leste and Southeast Asia” nune’e kabe ba situasaun real iha Timor Leste ne’ebe foin ukun-an maka Sociedade ida ne’ebe livre Respeita Pluralismu espresaun no liberdade imprensa.

Relasiona ho Serimonia The Dili Dialogue Forum (DDF) 2022 ne’ebe realiza iha Salaun CNE Lalini Larigutu Kolmera Dili ne’e, iha intervensaun Presidente Konselho de Imprensa Timor Leste Virgilio da Silva Guterres “Lamukan” hateten;

“Husu ba Jornalista no media nain sira atu respeita kodegu de konduta no kode etika jornalismu hodi lao tuir deit, nune’e bele manan konfiansa husi publiku”.

Ligadu ho situasaun actual ne’ebe oras ne’e lao hela iha ita nia sociedade konaba informasaun sira ne’ebe media sira publika no hetan kritika husi publiku, lider maksimu Konselho Imprensa Timor leste ne’e foti Exemplu husi peritus sosiologo ida husi Australia dehan;

“Sosiolgo ida husi australia dehan agora ita laiha dalan hodi bandu ema ka sira atu kaer telephone, tamba ne’e sira ne’ebe involvean iha komunikasaun jornalismu, ita tenke domina no iha kapasidade hodi uja buat ne’e ho didiak no responsabel no uniku dalan ne’ebe atu uja buat nee ho responsabel mak edukasaun, tamba ne’e konselho imprensa halo oinsa mak atu involve-an hodi hare konaba kontiudu utilizasaun komunikasaun sira liu husi edukasaun, nune’e ema bele uja plataforma android sira ne’e ho responsabilidade”.

Presidente Konselho imprensa ne’e hatutan liu tan katak;

“Ita hotu akompanha kritika husi publiku balun los no balun dala ruma reasionariu, importante mak kolega jornalista sira buka malu diskuti hodi intende publiku nia kritak sira konaba informasaun ne’ebe fo sai, nunee ita bele iha advokasia koletiva ida, hodi defende buat ne’ebe ke los no ita mos tenke rekonhece sala ne’ebe mak ita halo tamba ita nia publiku dehan buat ne’ebe ita publika sala, no ita iha rajaun hodi dehan buat ne’ebe los no bazeia ba faktus,e laos hoax ka opini”.

Tamba ne’e husu atu ita nia publiku, no politiku sira respeitu jornalista e husu mos ba media nain sira atu respeita kodigu de konduta, kode etika jornalismu sira, atu nunee ita bele kuda fiar ba ita nia publiku, liu liu ba ita nia politku sira hodi nune’e ita bele iha mutual respect ou respeitu neebe mutual, nune’e bele sai parseiro ne’ebe ho kritika konstrutivu.

Jornalista : Imaculada Mendonca

Editor       :Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments