Racom maubisse 24/08/2022 CHC Haautio lokaliza iha Aldeia Hautio, Suco Mulo Posto Administrativo de Hatobuilico, Municipiu Ainaro, iha estabeecimentu CHC ho Klinika maternidade ida ne’e, antes matebian Jose Casimiro Lopes, lidera uluk husi maktoba Artur do Carmo, husi Aldeia Aituto Suco Mulo Posto Hatobuilico, depois de Chefe Artur mate, mak entrega hikas ba Chefe Foun Jose Casimiro Lopes, ne’ebe ikus mai tara-an iha klinika maternidade ne’ebe husi uma andar tolu nia leten, e akontesimentu ne’e to’o foti mate isin seidauk bele deskobre husi parte seguranca katak motive husi akontesimentu ne’e rasik ema ruma mak planu ka ou matebian nain rasik mak tara-an.
Relasiona ho akontesimentu Chefe CHC Hautio Jose Casimiro Lopes Tara-an ne’e, Ba Jornalista Radio Komunidade Maubisse Mauloko, Ajente Investigasaun Criminal Sarjentu Armindo do Rosario Araujo hateten;
“Ohin dader-san iha tuku 06:10 resin hau simu informasaun husi Komando Esquadra Hatobuilico Inspektur Carlos Espostu katak, matebian Jose Casimiro Lopes tara-an iha Klinika Hautio, depois rona tiha informasaun ne’e ha’u mos informa ba komando hodi orienta ba elementus sira hamutuk ho equipa task force Transito no Bombeirus hamutuk iha nee, depois ami too iha sela de krime iha oras tuku 09:00 dader ne’e ami observa lokal de krime, hotu ami kordena malu fali hodi hatun matebian husi fatin tara-an nee”.
Husu konaba oinsa prosesu investigasaun, Ajente Investigasaun Criminal Sarjentu Armindo do Rosario Araujo hateten;
“Konaba prosesu investigasaun sei iha lao hela tanba nia hanesan lideransa ida entaun nia kontinuasaun ami sei kordena buka dalan oinsa sei lori ba dili hodi hein prosesu tuir mai atu halo autopsia”.
Mai ita ida idak fo importansia ba ita nia vida karik iha situasaun balun iha familia servisu fatin mak prejudika ita nia lalaok servisu, buka atu evita-an husi situasaun ne’ebe fo impaktu ba ita nia vida, tan ita nia vida karun no labele sosa ho saida deit, tamba ne’e mai ita asegura-an ho meus saida deit nune’e bele garantia moris, maske ita hatene katak to’o tempu ida ita sei husik mundo real hodi ba fali iha mundo foun ida ne’ebe moris rohan laek.
Jornalista :Natalino Mendonca
Editor :Joaquim Coutinho
