Racom Maubisse, 16/08/2022, Estaziu no Servisu Social nu’udar programa estudo ida ne’ebe  estudante ida  tenke participa hodi kompleta ninia kreditus  molok remata estudo. Programa ne’e normalmente iha departemento enjenaria mak hanesan electronica no eletrika UNTL. Ho biban estajiu ida ne’e mak estudante estajiariu sira hakarak hola biban mos hodi hadia gruta villa maria Maubisse hanesan asaun social ida.

Ba radio Komunidade Maubisse mauloko, Padre Vigariu paroquia maubisse Residencia Permanente iha Hatobuilico Pe. Francisco Soares Fernandes haktuir katak;

“Ohin hau mai selebra missa iha nee tanba atu agaradese ba maromak ba grasa nebe maka haraik ba estudante sira husi UNTL mai halo estajiu iha nee, sira husi fakuldade enjenaria nian fo sira nia kontribuisaun hodi hadia fali ou rehabilita Gruta Villa Maria ida nebe maka lahuk hela oras nee sira hadia fatin nee foun kapaz ho nia kor diak, tanba nee maka missa agradese hasae asaun de grasa ida ba sira atu hetan nafatin grasa husi Maromak hodi nune’e sira bele halo sira nia estudu diak”.

Hau nia liamenon ba sarani sira iha Maubisse no sarani peregrinus sira hotu lao husi nee karik mak iha devosaun ba Nain Feto de Fatima nain feto de grasa  bele hola netik tempu atu deskansa hamutuk ho Nain Feto iha nee bele hasae netik orasaun ruma tanba liu husi Nain Feto bele too iha Jesus.

Jornalista Natalino Mendonca

Editor Joaquim Coutinho