Racom Maubisse (04/08/2022) Sentimentu ne’e hato Husi Komunidade Anibal Soares Mendonça iha Lansamentu ba Distribuisaun Ai-han Sesta Bájika iha Postu Administrativu Maubisse Municipiu Ainaro.

Tuir Sidadaun Suku Maubisse Villa ne’e katak;

“Ami durante ne’e ami la hein sasan Sesta Bájika, opurtunidade ne’ebe maka Sesta Bájika tó mai ami agradese maibe sasan ne’ebe maka mai ona tó iha fatin ida ne’e la tuir Lei ne’ebé maka Estadu sira regula tia ona. Tamba ne’e maka ami n’udar Komunidade Maubisse ami la satisfas ho Sesta Bájika ida ne’e” Hateten Anibal 04/08/2022.

Tamba ne’e Nia Husu ba Ba Governu diak liu fahe deit osan ba komunidade sira, duke halo Kontratu ho kompañia oferese hahan Sesta Bájika ne’e.

“Ema kolia dehan sasan kada ema ida simu $ 50 dolar nusa maka Estadu la Fó maka osan mai haruka fali sasan ne’ebe maka ami Suku Msaubisse iha Hela kedan hanesan Repollu, Fehuk, Talas, Hudi, buat sira ne’e ami iha hela ami han tó baruk hela. Tamba ne’e  Estadu habokur fali ba Kompañia Maibe Povu Terus ba Nafatin, tamba ne’e husu ba Nai Ulun sira atu tau matan didiak atu Povu ida ne’e bele senti kontenti no satisfas” Dehan Komunidade ne’e 04/08/2022.   

Liga ho Prokupasaun hirak ne’ebe ható dadaun husi Komunidade sira, Tuir  Sekrtariu Estadu Kóperativa Elezário Fereirra iha nia deiskursu ba lansamentu distribuisaun Sesta Bájika iha Maubisse hateten;

“Kuandu hahan ne’ebe ita bót sira simu laiha kualidade bele kolia ho sira, maibe inan aman sira hotu keta laran susar, Kompañia manan nain mós ema Timor-Oan buat ruma la tó kolia ho sira í iha modo ruma , faillansu ruma kolia didiak ho sira  katak se povu hakarak ida ne’e bele troka maibe ninia valor ne’e tenki hanesan nafatin” Hateten Governante ne’e iha Lansamentu ba Distribuisaun Sesta Bájika iha Maubisse 04/08/2022.

Jornalista                     Moisese da Silva Magno

Editór                          Joaquim de Fátima Coutinho