Racom Maubisse (04/08/2022) Komunidade Aldeia Maubisse Villa Ines Mendonça hateten ida ne’e iha Seremonia lansamentu ba Distribuisaun Ai-han Sesta Bájika iha Postu Administrativu Maubisse loron 4 fulan Agostu Tinan ne’e.

“Distribuisaun Sesta Bájika ne’e lori Governu nia naran maka mai, dehan Governu fó tulun ba Komunidade no Povu sira iha idak-idak nia Municipíu no Postu. Tamba ne’e ema ida hetan $ 50 dolar ne’e hola sasan ne’e tenki Honestu ho osan ne’ebe maka iha ona, agora iha sasan sira ne’e hudi sasuit ida 50 cent, Fehuk 3 tau iha palastik ida deit, ho tan talas 3 deit iha  ne’e la tó tan Satu dolar ida. Sesta Bájika ne’e hodi ajuda ema sira ne’ebe infrenta hela buat lubuk ida iha Aldeia no Suku laran la presija fó tan Sesta Bájika hanesan Talas, Fehuk,  Hudi, no Repollu, mais ou menus fó Sesta Bájika ne’e fo buat ne’ebe maka ema labele kaer ho liman ba kuda, Pur ezempu hanesan mina tamba ne’e ami hanesan povu ami la  kontenti ho distribuisaun ida ne’e”  Hateten Ines ba Jornalista Hafoin Simu Aihan Sesta Bájika iha Maubisse 04/08/2022.

Tamba ne’e nia Sujere ba parte kompetente katak Distribuisaun Sesta Bájika diak liu oferese saida maka povu sira labele produs iha sira hela fatin, Liu-Liu Mina no prdutu sira ne’ebe maka laele fo fuan no isin tuir Potensialidade Rai idak-idak nian.

Jornalista                     Moisese da Silva Magno

Editór                          Joaquim de Fátima Coutinho