Racom Maubisse (03/08/2022) Xefe Suku Fatubessi Bonifacio Pereira Mendonça hato ida ne’e iha Seremonia Inaugurasaun UKL Rua ba Familia Kbít Laek, Uma Kain rua iha Aldeia Caitra Postu Administrativu Maubisse Municipíu Ainaro Kuarta Feira ne’e.
“Ami nia Agradesementu ba Governu tamba hanoin ona nia Povu Kbít Laek sira, hodi halo programa sira hanesan ne’e. Ne’ebe dala ida tan ami hato Agradesementu ba Governu, liu-liu ba Ministériu Administrasaun Estatal (MAE) ne’ebé maka halo programa barak agora dadauk iha Suku Fatubessi akontese mós Rehabilitasaun ba Sede Suku, depois nia kuntinuasaun ne’e ami sei halo tan nahe estrada tún mai hodi haré ba ami nia rekursu sira ne’ebe maka durante tinan barak abandona hela hanesan Fatuk, Rai Henek ne’ebé maka iha ne’e. Tamba ne’e ami iha ona meus no hanoin atu hadia dalan ne’e tun mai” Dehan Xefe Suku 03/08/2022.
UKL Rua iha Suku Fatubesi ne’e Inaugura Husi Administrador Municipíu Ainaro, Akomapaña Husi Direktur Porgrama Nasional Dezemvolvementu Suku (PNDS) Municipiu Ainaro, Delegasaun Husi Nasional, Administrador Postu Maubisse, Kórdenador PNDS Postu Maubisse ho nia Mebrus, Xefe Suku ho Mebrus Konsellu do Suku no Komunidade Suku Fatubessi Maubisse Municipíu Ainaro.
Jornalista Moises da Silva Magno
Editór Joaquim de Fátima Coutinho
