Racom Maubisse (03/08/2022) Hafoin halao Inaugurasaun ba Uma UKL rua iha Caitra Suku Fatibessi Postu Administrativu Maubisse Municipíu Ainaro, Ba Radiu Komunidade Maubisse Mau-Loko Autoridade másimu Municipíu Ainaro ne’e Hateten;

“Kolia kona-ba Estrada Rurais ne’e ohin hau mai mós haré Estrada ne’e at lós, Sei Kolia ho Direktur PNDS tau osan ba Tinan ne’e nian ne’e atu hadia Estrada ne’e. Pois Loke mós ba iha Ita nia Rekursu hanesan Rai Henek iha kraik ne’e, atu tinan ida ka rua tolu ba oin ne’e Komunidade sira bele hela hotu iha uma kalen, ne’e esforsu hau nian mós hanesan ne’e hotu. Hakarak tau osan ba liu iha ema Kbít laek” Dehan Administrador ba Jornalista RKMM 03/08/2022.

Tamba ne’e Nia Kuntinua husu ba iha Xefe Suku ho nia Estruktura sira atu kria nafatin kóperasaun diak ho Administrador Postu Administrativu Maubisse, Responsabel PNDS iha Maubisse atu kuntinua implementa programa sira liu-liu kona ba Kondisaun Estrada ne’ebe Susar atu asesu husi Transporte Roda rua no Roda Hát liu-liu iha Tempu udan.

“Hau husu ba ita bót sira atu Kópera nafatin ho Administrador Postu, no mós Direktur PNDS ne’ebé iha Programa diak atu implementa iha tinan ida ne’e, liu-liu kona-ba Estrada. Estrada ne’e prlumenus hadia halo didiak ida subida demais ne’e diak liu koa halo tetuk, ne’e para ita lao mós ita la tauk. Hau hanoin ita bót sira iha tempu udan susar atu asesu ba iha merkadu, eskola, sentru Saude sira. Susar tebes hau hare Estrada ne’e Premeira vez foin mai iha ne’e” Hateten Administrador Municipíu Ainaro Iha Aldeia Caitara Suku Fatubessi Maubisse 03/08/2022.    

Jornalista                     Moises da Silva Magno

Editór                          Joaquim de Fátima Coutinho