Racom Maubisse (28/07/2022) fulan julho nia laran akontese buat ne’ebe ita la espera mak hanesan iha foho lulik Ble Hetu ema deskonhecido foti tiha fatuk lulik no iha foho Ramelau ema ke aitos ba latan tiha, relasiona ho informasaun ne’ebe mensiona Komandate PNTL Esquadra Hato-Builico Carlos Expostu, haktuir katak informasaun konaba Fatuk Lulik iha Ble Hetu Ema Deskonhecido Foti ne’e los no mos Aitos iha Foho Ramelau Ema Ke ba latan tiha.
Ba Jornalista Radiu Komunidade Maubisse Mau-Loko Komandate PNTL Esquadra Hato-Builico Inspektur Polisia Carlos Expostu iha nia Knár fatin hateten;
“Los duni akontesementu ne’ebe maka hanesan ita hotu hatene katak, maluk sira viajen mai foti sala ka buat lulik ou fatuk Lulik ruma iha Foho Ble Hetu no mós iha Postingan lubuk ida iha area ne’ebá duni ami mós hatene. Horseik husi parte vítima mai ható keisa iha Esquadra Hato-Builiku. Eataun ami foti deklarasaun ba iha investigasaun iha Ainaro, hodi prosesu lao” Hateten Inspektur Polisia Carlos Expostu 28/07/2022.
Autoridade Seguransa Postu Administrativu Hato-Builiku ne’e Salienta liu tan katak;
“Tuir vítima sira horseik hateten katak, Fatuk ida ne’ebe maka iha Foho Ble Hetu dehan sira lori sai. Horseik vítima mia kolia tanis iha ne’e, prontu ida ne’e foin maka akontese iha semana ida ne’e. Maibe iha pasadu ba kala fulan ida ba kotuk iha fulan Junho iha mós foho Ramelau Tututun Ai-Tós ne’ebe maka harí sae ba iha ne’ebá mós ké latan tia ba rai, hau nia OPS Suku Mulo nian lao ba tó iha Foho Leten haré lós duni nia hasai deit foto í ami sen ona ba iha Koamdu Ainaro” Deklara Komandante Esquadra PNTL Postu Administrativu Hato-Builku 28/07/2022
Komandante Polisia ne’e mós relata katak iha Fulan Juñu 2022 liu ba mós iha ema deskuiñesidu balun mós Fokit sai Ai-Tós iha Foho Ramelau ho latan ba tia ba Rai, no Informasaun ne’e hato ona ba iha Komandu PNTL Municipiu Ainaro.
Entertantu Evedensia ne’ebe maka agora dadaun iha maka Fotografia ne’ebe maka foti husi Mídia Sosial Facebook Wanhira iha Vizitantes balun ba Vizita iha Fatin Lulik refere hodi hasai fotografia no Posting iha Facebook, no foto hirak ne’e Autoridade Suku Akompana husi Lian nain no Komunidade sira entrega ona ba iha parte Polisia hodi Kuntinua halo Investigasaun.
Jornalista Moises da Silva Magno
Editór Joaquim de Fátima Coutinho
