Sarani PICOMA Selebra Tinan Existensia Paroquia Maubisse ba dala 39 no Festa Kultura Fahi Ulun

0
401 views

Racom Maubisse 24/07/2022 Domingu Loron 24 fulan Jullu foin lalais ne’e Sarani Paroquia Imaculado Coração de Maria Maubisse (PICOMA) Selebra Tinan 39 ejistensia Paroquia Maubisse. Halao ho Seremonia Kultura entrega fahi Ulun husi Suku Maubisse ba Paroquia.

Iha Misa ba selebrasaun ne’ebe Presidi husi Archebispu Metropolitana Dili Dom Virgilio do Carmo da Silva iha iha Homilia hateten, ho tinan 39 ejistensia Paroquia Maubisse Amu Bispu husu Sarani Presija iha laran mós ba Malun iha Familia uma laran, no Komunidade.

Hafoin de Missa kuntinua kedan ho Seremonia Kulturais hodi entrega fahi Ulun husi Suku Maubisse Villa ba Paroquia iha Resintu Ingreja Imaculadu Coração de Maria Maubisse.

Ba Radiu Komunidade Maubisse Mau-Loko Archebispu Metropolitana de Dili Dom Virgilio do Carmo da Silva hateten;

“Ida ne’e ba dala hitu hau mai tuir Festa Padroera iha Maubisse, kada tinan hau sempre hare melloramentu iha preparasaun material no mós Espiritual. Espiritual atu dehan katak durante loron 4 ne’e nia laran liu husi preparasaun oi-oin ne’e tulun duni Sarani Komunidade Maubisse atu prepara sira nia-an duni atu selebra didiak loron Padroera sira nian. Hanesan Paroko rasik dehan Festa laos Paroko ninian,Festa Paroquia nian e Festa Sarani hot-hotu, ne’e duni Tinan ida ne’e partikulármente iha Suku Maubisse ninian ita haré katak iha atividade lubuk ida ne’ebe halo hanesan Inaugurasaun Kapela iha Lumluli ninian, Kapela Rimori, ikus ho Kruz ne’ebe harí iha Foho Balibo nia leten, ida ne’e hatudu preparasaun ida laos ema ida ninian mais ema hotu liu-liu Joven sira, Arte Marsiais, Arte Rituais sira hotu ne’ebe involve hodi harí Kruz ida ne’e. Ho aktividade sira fó liu tan sentudu partisipasun partese Sarani Maubisse senti katak ne’e laos ema ida ninian í sira nian liu husi atividade sira ne’e hotu. Entaun ida ne’e maka sentimentus ne’ebe hau hare í senrimentus ne’ebe hakarak mós kuntinua husu enkoraja nafatin Komunidade ida ne’e atu tinan oin atu hakat ba sira nia 40 anos núdar Paroquia” Hateten Amu Bispu ba Jornalista RKMM 24/07/2022.

Liga ho Kultura Fahi Ulun Amu Bispu  hateten;

“Desde uluk Padre sira ne’ebe liu uluk iha ne’e komesa ona kuda hakiak valor hirak ne’e atu núne’e ita la haré ba Kultura ne’e hanesan buat ida ne’ebe kontra ita nia fiar núdar Sarani. Maibe ikus mai ita fiar núdar Sarani tamba ita nia Bei Ala sira nia fiar ne’e rasik, tamba fiar ne’e maka ikus mai lori ita hatene katak iha foho nia leten  liu hirak ne’e iha Maromak ne’ebe hanesan dadauk iha Maubisse ita halao hirak ne’e hotu koko tama ba prosesu Inkulturasaun” Dehan Archebisbu Dili 24/07/2022 

0 0 votes
Article Rating
Subscribe
Notify of
guest
0 Comments
Inline Feedbacks
View all comments