Racom Maubisse (22/07/2022) Sesta feira loron 22 fulan Jullu foin lalais marka Istória foun ba Sarani Rimori Suku Maubisse Villa Postu Administrativu Maubisse Municipiu Ainaro, Liu husi Bensaun ba Kalepa São Jose Operario Rimori, husi Cadiál no Archebispu Metropolitana de Dili Dom Virgilio do Carmo da Silva SDB.
iha Selebrasaun Missa ne’ebe Presidi husi Sua Emenênsia Cardeál no Archebispu Metropitana de Dili Dom Virgilio do Carmo da Silva SDB iha Homilia hateten;
“Ohin ita mai iha ne’e ita hasantu tia uma ida ne’e, atu liu husi uma ida ne’e atu ita hasoru Malu ita selebra Sakramentu iha Uma ida ne’e. Laos ba ita lisan ida ne’e ninian, lisan ida ne’eba ninian Maibe sai Uma ida atu halibur ita hor-Hotu” Hateten Archebispu iha Rimori Maubisse Liu husi Nia Homelia 22/07/2022.
Tamba ne’e Lider Igreja Kátolika iha Timor Leste ne’e, agardese ba Konstribuisaun no servisu makas hodi Finaliza Prosesu Konstrusaun Kapela São Jose Operariu ne’ebe nia lokalizasaun iha Aldeia Rimori Suku Maubisse Villa.
“Agradese ba Ema hotu ne’ebe Servisu makaás ho meus oi-oin ikus mai bele finaliza Uma ida ne’e, Kapela ida ne’e ne’ebe ita bele selebra Eukaristia, ita bele rona Maromak Nia Lia Fuan, ita bele kolia ho Maromak. Furak tamba Kapela ne’e haleu familia Kapela sai sentru Komunidade Sarani, ida ne’e maka sai núdar Sentru Komunidade ninian tamba Maromak ne’ebe moris hodi rona halo nia prezensa moris nafatin iha Fatin ida ne’e” Dehan Lider Igreja Katólika ne’e 22/07/2022.
Aldende halao Bensaun ba Kapela fo mós Sakramentu Kaben Xefe Suku Maubisse Villa ho nia Espoza husi Cardiaál no Archebispu Mertopilitana de Dili.
Jornalista Moisese da Silva Magno
Editór Joaquim de Fátima Coutinho
