Servisu Saude Municipiu Ainaro Halao Atividade SISKA Iha Suku Aituto Maubisse

0
276 views

Racom Maubisse (12/07/2022) Servisu Saude Municipiu Ainaro Hamutuk ho Klinika São Joaquim Maubisse Tersa Feira ne’e Halao Aktividade Servisu Integradu Saude Komunitaria (SISKA) Iha Suku Aituto Postu Administrativo Maubisse Municipiu Ainaro.

Ba Radiu Komunidade Maubisse Mau-Loko Xefe Departementu ba Jestaun Programa Saude Municipiu Ainaro Arnaldo Lima Hateten, Objetivu husi aktividade ida ne’e atu komemora loron Nasionl Saude nian ne’ebe maka sei komemora ba tinan ida ne’e iha Municipiu Ainaro Tuir Planu Ministériu Saude nian.

“Atividade ba Loron ohin ami bolu dehan SISKA Servisu Integradu Saude Komunitaria, iha ne’e ami lori hotu kuidadu Espesialista sira ba moras laran nian, ami mos lori ekipa husi sup Espesialista sira hanesan ba matan mian, balun hare kona-ba Saude Oral nian no mós ba problema sira ho moras mental ninian. Aktividade ida ne’e ho objetivu atu komemora loron Nasional Saude nian, Minitériu de Saude Planeia ona tinan ida ne’e atu komemora iha Municipiu Ainaro, entaun implementasaun husi aktividade sira ne’e ida maka atividade SISKA” Hateten Dotor Arnaldo Lima ba Jornalista RKMM 12/07/2022.

Nia Hatutan Aktividade ida ne’e hanesan Parte ida hakbesik liu tan atendementu Saude ba Komunidade sira.

Tur planu Aktividade hanesan sei halao mós ba iha Suku Sira Seluk laos ida Postu Administrativu Maubisse deit Inklui Postu 3 Seluk iha Municipiu Ainaro nia Konta, Tamba  husu Involvementu Autoridade Komunitaria importante tebes atu kuntinua Sosialija Informasaun ba Komunidade Sira bele partisipa másimu iha Aktividade sira hanesan ne’e.

“Involvementu husi Lideransa Komunitaria sira presija haforsa tamba atividade ne’ebe ami planeia ona hanesan Servisu Integradu Saude Komunitaria no mós programa sira seluk husi Ministériu Saude partisipasaun ne’e sei menus tamba ami nota katak komunidade barak maka hela ho distansia ne’ebe maka dók infrormasaun no divulgasaun sira maka sei menus. Entaun espera katak tuir fali mai husu Komunidade sira hotu nia partisipasaun tamba ita hatene katak ita bele halo buat hotu maibe ita tenki iha kondisaun saude ne’ebe diak” Hateten Aranaldo 12/07/2022.

Iha momentu hanesan tuir Xefe Aldeia Gou-Lolo Suku Aituto Januario da Conçecão Lopes ba Jornalista Radiu Komunidade Maubisse Mau-Loko hateten, Hanesan Autoridade iha Aldeia nia parte Senti Orgullu ho aktividade ida ne’e, tamba ne’e nia Sujere atu katividade hanesan ne’e tenki iha nia kuntinuasaun ba oin núne’e bele fó atendementu Saude diak ba Komunidade sira iha baje.

“Hau senti kontenti tebes tamba husi saude mai fó atendementu ba hau nia Komunidade sira, rekomendasaun nafatin ba parte Saude atu aktividade ida hanesan nafatin iha nia kuntinuasaun ba oin nafatin para atende ba hau nia Komunidade sira” Dehan Xefe Aldeia Gou-Lolo 12/07/2022.

Jornalista                     Moisese da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments