Organizasaun Moris Hadomi Futuru Husu Rekomadansaun Husi Pontu Fokal FONGTIL Municipiu Ainaro

0
241 views

Racom Maubisse (04/07/2022) Organizasaun Moris  Hadomi Futuru hanesan Organizasaun Naon Govermental ne’ebe harí iha loron 05 fulan Maiu Tinan 2013, iha Aldeia Leso Suku Foho-Ailico Postu Administrativo Hato-Udo Municipiu Ainaro. Mai to oras ne’e dadaun seidauk sai hanesan Membru ba Forum Ong Timor Leste (FONGTIL) Tamba ne’e iha loron 4 fulan Jullu ne’e Responsabel Organizasaun Moris Hadomi Futuru Hasoru Malu ho Pontu Fokal FONGTIL Municipiu Ainaro Aktual Jestor Radiu Komunidade Maubisse Mau-Loko iha Edefisiu Racom Maubisse.

Hafoin Simu Karta Rekomendasaun husi Pontu Fokal FONTIL Municipiu Ainaro, Liu husi Intervista ho Jornalista Radiu Komunidade Maubisse Mau-Loko Responsabel Organizasaun Moris Hadomi Futuru Izedoro Magno de Araujo Klarifika katak;

“Ami nia objetivu mai hasoru Pontu Fokal FONGTIL atu hetan rekomendasaun ida ne’ebe maka aprofunda husi FONGTIL atu nuúne’e bele asegura no reforsa liu tan ami nia Fundasaun Moris Hadomi Futuru bele tama ba iha Menbrus FONGTIL” Hateten Responsabel Organizasaun ne’e 04/07/2022.

Kona ba ejistensia organizasaun no nia programa sira ne’ebe  durante ne’e implementa ona iha Postu Adminisrativu Hato-Udo Municipiu Ainaro nia klarifika katak;

“Ami hamrík iha loron 5 fulan Maiu 2013 mai tó agora hanesan CBO maibe agora ami nakfilak fila fali ba Fundasaun Moris Hadomi Futuru. Durante ami nia servisu iha Suku Foho- Ailico Postu Administrativo Hato-Udo maka hanesan ami estabeseaktividade fó formasaun ba estudante feto no mane sira iha lian Ingles, ami mos haré liu kona ba Agrikultura, oinsa maka atu bele hanorin joven sira atu sai agrikultór ida ne’ebe maka diak no koiñese kona ba kuda no biberus no oinsa hasa’e bedengan sira, ami mos estabelese kona ba Lideransa juventude atu treinu juventude sira atu sai lideransa ne’ebe maka diak ba futuru oin mai. Laos deit haré kona ba ida ne’e ami mos haré kona ba protesaun Meu Ambiente ami kuda dút, au, atu hodi  proteje rai, ami mos iha Difeiseiente iha ita nia inan ita nia oan sira ne’ebe maka difisiente agora ami rekolla sira nia dadus ona atu servisu hamutuk ho FONGTIL  ho Ajenjia sira hotu ho Governu para atu bele tau matan ba ita nia inan, ita nia oan no ita nia alin sira ne’ebe maka difisiente atu bele halo atividade seluk ba sira” Hateten Foinsa’e ne’e aktual jerente ba Fundasaun Moris Hadomi Futuru 04/07/2022.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments