Racom Maubisse (05/07/2022) Ekipa Programa Nasional Dezemvolvementu Suku(PNDS) husi Municipiu kuntinua fahe Informasaun kona ba lalaok PNDS nian ba Fornesedor Sira iha Postu Administrativu Maubisse Municipiu Ainaro.
Aktividade dseminasaun ida ne’e halao iha Salaun Postu Administrativu Maubisse Municipiu Ainaro Tersa feira ne’e.
Ba Radiu Komunidade Maubisse Mau-Loko Ingineiru Programa Nasional Dezemvolvementu Suku (PNDS) Husi Municipiu Joõ Paulo de Araújo hateten, Objetivu Prezensa PNDS Municipiu nian iha Postu Maubisse atu esplika ba iha Fordesedor sira kona ba PNDS nia lalaok ba Fornesedor sira liu-liu ba iha fornesedor foun sira, no ekipa PNDS husi Suku 9 iha Postu Administrativu Maubisse Municipiu Ainaro.
“Ohin mai ne’e atu esplika deit kona ba PNDS nia lalaok ba deit fornesedor sira durante siklu ida nia laran, dala ruma programa ne’e lao kleur ona entaun fornesedor sira barak ke haluhan tia ou fornesedor sira foun entaun tenki ható ulan fali tamba agora subsidiu ba kada Suku ne’e osan bot ona. Entau aprovisionamentu mos komesa iha mudansa ba iha Projetu PNDS nian agora tama ona iha Nivel Nasional tamba ne’e maka ami mai esplika fali didiak ba fornesedor sira bele apar malu hodi ajuda Dezemvolvementu iha Suku” Haten João ba RKMM 05/07/2022.
Tamba ne’e Partisipa iha surmutuk ne’ebe halao iha Salaun Administrasaun Postu ne’e laos husi fornesedor sira deit maibe ba mos ekipa PNDS husi Kada Suku.
“Laos deit ba fornesedor sira ohin iha mos ekipa Suku sira tamba servisu iha terenu ne’e laos ekipa suku deit tamba iha fornesedor, iha Konsellu Suku inklui mos ekipa PNDS sira” Hatutan Ingineiru PNDS Municipiu Ainaro ne’e 05/07/2022.
Aliende ida ne’e hodi esplika mos ba Fornesedor sira kona ba Sistema Pagamentu Programa Nasional Dezemvolvementu Suku PNDS nian.
Jornalista Moises da Silva Magno
Editór Joaquim de Fátima Coutinho
