KRAM Municipiu Ainaro  Agradese  Servisu  Organizasaun Arte Marsiais No Rituais ba Preprasaun Festa Padroeira PICOMA

0
280 views

Racom Maubisse (02/07/2022) “Premeiru lugar agradese ba inisiativu sira ne’ebe maka Organizasaun Arte Marsiais ho Rituais sira ne’ebe maka kontribui ona ba ita ninia Seremonia bot ida ne’ebe maka semana rua tan ita sei hasoru agradese ba ita bot sira ne’ebe maka kontribui ona forsa maior” 02/07/2022

Hateten Prezidente Komisaun Reguladora Arte Marsiais  (KRAM)  Municipiu Ainaro Marcelino Mendonça iha Surumutuk ne’ebe maka halao ho Komisaun Organizadora ba Preparasaun Festa Padroeira Paroquia Imaculado Coração de Maria Maubise (PICOMA) no Festa Kultura Fahi Ulun iha  Salaun Paroquial Maubisse Sabadu foin lalais ne’e.

Prezidente Sup KRAM Municipiu Ainaro ne’e Kuntinua hatutan liu tan katak;

“Ita nia Organizasaun hot-hotu komesa husi Organizasaun Arte Marsiais 3 ne’ebe maka bajeia ba Resolusaun No. 16/2013 taka tia ona, maibe liu husi Oitavu Governo Konstitusional liu husi Resolusaun No.4/2020 reativa hikas Organizasaun Arte Marsiais no Rituais sira atu bele inkuadra ba iha Sociedade. Ne’e maka kona ba atividades ne’ebe maka rativa agora iha hela prosedimentu sira ne’e nia laran, tamba ne’e maka ita hanesan sidadaun ne’ebe maka Governo reativa ona atu bele kontribui ne’e la sala ida, Lei No 5/2017 fó dalan no mos atividades Religiooju ne’ebe maka iha Municipiu hot-hotu mos bele husu ita nia apoiu atu ita kontribui” Dehan Prezidente Sup KRAM Municipiu Ainaro 02/06/2022.

Tamba ne’e ba Organizasaun Arte Marsiais no Rituais ne’ebe maka ejisti iha Postu Administrativu Maubisse Municipiu Ainaro, Prezidente Sup KRAM Municipiu Ainaro Sujere liu tan katak;

“Hua Sujere deit ba Organizasaun Arte Marsiais no Rituais sira kontribui ita nia forsa maior ida ne’e para oinsa maka ita bele lori ita  nia Kruz ne’e ba tó iha Balibo. Ne’ebe dala ida tan agradese no obrigadu ba ita bot sira nia kontribuisaun ne’ebe maka kontribui ona ba iha Paroque ida ne’e ba atividade bot ne’ebe maka ita sei infrenta iha dia 20 tó dia 24 ne’e husu nafatin ita nia kontribuisaun atu núne’e bele fó susesu ita ninia atividade ida ne’e iha Maubisse” Sujere Prezidente Sup KRAM Municipiu Ba Responsabel Arte Marsiais no Rituais sira hotu ne’ebe maka ejisti iha Postu Administrativu Maubisse 02/07/2022.

Jornalita                       Moises da Silva Magno Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments