Racom Maubisse (02/07/2022) Alexandere de Araújo Hanesan Prezidente Konsellu Pastoral Estasaun Misinariu Hato-Builico Municipiu Ainaro hateten ida ne’e ba Jornalista Radiu Komunidade Maubisse Mau-loko Sabadu loron 02 fulan Jullu ne’e iha Maubisse.
“Oras ne’e ami nia preparasaun ba Igreja konstrusaun fisíka nene, atinji ona 80% fulan Jullu tó Agostu ne’e ami hein katak termina konstrusaun fisíka ho Kartóriu ho mos Rizidensia Bispu nian ne’e bele hotu. Depois ami sei tau matan ba halo festa Elevasaun ba Paroquia.
Tuir planu Bispu sei tó iha ne’ebá iha dia 4 de Utubru, depois dia 5 sira ne’e iha atividade sira seluk depois iha dia 6 maka elevasaun ba Paroquia”Hateten Presidente Konseelu Pastoral 02/07/2022.
Kona ba Komemorasaun Tinan 25 Nai Feto Ramelau nian Prezidente Konsellu Pastoral ne’e Haktuir;
“Tinan ne’e Nain Feto iha Ramelau Tututun ne’e Kompleta 25 Anos, depois de Hato-Builico Sai tia Paroquia sei halo tan festa iha Liten ne’ebe komisaun Organizadora sei Konvida Diocese tolu ne’e sei Marka Prezensa iha ne’ebá hotu tamba momentu tau Nain Feto iha Leten Sarani Tmor laran tomak ba hotu Pelumenus ema 1.100 resin iha 1.997. Momentu ne’eba Maubisse ho Hato-Builico maka tau matan hamutuk ba tau Estatua iha leten. Ne’ebé tinan ne’e 25 Anos ne’ebé oras ne’e ami servisu makas los iha ne’ebá maske tempu udan mos ami servisu nafatin atu nune’e bele atinji objetivu ne’ebe planu dadauk husi Paroquia Maubisse Estasaun Misionariu Hato-Builico no mos Diocese Dili” Hateten Alexandre de Araújo ba Jornalista ba RKMM 02/07/2022.
Tamba ne’e Presija tebes Kontribuisaun husi Sarani sira importante tebes, laos deit ba Sarani Hato-Builico, Maibe ba mos Sarani Maubisse Municipiu Ainaro
Alinde ida ne’e mos tuir Administrador Postu Administrativo Hato-Builico Municipiu Ainaro Bento Alves hateten;
“Atu hateten katak Preprasaun ba iha Hato-Builico atu sai Proquia agora dadaun iha faje preparasaun oinsa maka atu bele sai Paroquia hanesan Hato-Builico oan ema hotu halo ona preparasaun iha tempu ne’ebe maka besik hela dadaun iha dia 6 de Utubru 2022 agora” Hateten Banto Alves ba RKMM 02/07/2022.
Tamba ne’e ba oras ne’e dadaun Sarani Postu Administrativu Hato-Builico halo ona Preparasaun ba Konstrusaun fisíku sira hanesan Konstrusaun ba Igreja.
Jornalista Moises da Silva Magno
Editór Joaquim de Fátima Coutinho
