Racom Maubisse (29/06/2022) Fundasaun MAHARU hanesan Organizasaun Lokal ida ne’ebe eziste iha Municipiu Ainaro Postu Administrativu Maubisse Municipiu Ainaro, núdar Organizasaun ne’ebe Servisu ba assuntu Labarik sira nian liu-liu labarik feto sira, igualidade jeneru,protesaun labarik iha tinan 2019 tó tinan 2022.
Liu husi Apoiu Plan Internasional Timor Leste ba Prongama Redusaun Risku Deszastre ba Eskola hamutuk 10 iha Municipiu Ainaro iha Tinan 2021-2022 kuntinua habelar tan ba eskola 7 ne’ebe maka ejisti iha Postu Administrativu 4 iha Municipiu Ainaro nia Konta.
Iha Seremonia taka projeitu refere ne’ebe halao iha Salaun Paroquial Municipiu Ainaro ne’e ba Jornalista Radiu Komunidade Maubisse Mau-Loko Direktur Fundasaun MAHARU Bonifacio Sereno Ramalho hateten;
“Objetivu husi Aktividade ida ne’e atu insera projetu DRR-CCA Alterasaun Mudansa Klimátika hamutuk ho Plan Internasional projetu ne’e ba Tinan 3 nia laran hahu husi 2019 tó 2022 ita termina ona Projetu ida ne’e iha Municipiu Ainaro. Projetu ida ne’e ita kópera hamutuk ho Ministériu Edukasaun Municipiu ba tó iha Postu no Suku, ne’ebe Projetu ida ne’e target ba eskola 10 ne’ebe ita halai liu ba Formasaun liu-liu iha Dezastre Naturais no Alterasaun Mudansa Klimátika ba eskola tarjetu 10 depois ita loke tan espsu ba Eskola hamutuk 17 ho ninia total benefisiuarius ne’e iha 5.968 kompostu husi Suku 6 Aldeia 32 ne’ebe maka durante ne’e ita lao iha Municipiu Ainaro” Hateten Direjente Másimu Fundasaun Maharu 29/06/2022.
Nia hatutan Projeitu ida ne’e nia tarjeitu ba Tinan 3 nian maibe atu kuntinua depende ba iha Poliítika Plan Internasional Timor Leste.
“Projetu ida ne’e ninia durasaun ba Tinan 3 hahu iha 2019 mai tó iha 2022 ne’e termina ba tinan 3 mas ida ne’e depende fila fali ba Polítika Plan Internasional karik Plan iha opurtunidade katak sei uja nafatin ninia Parseiru sira entaun ida ne’e depende fila fali ba Plan. Maibe agora dadaun Maharu mos tenta nafatin liu husi doador sira seluk no mos ba ita nia Governu para oinsa se iha oportunidade ruma Maharu hakerek ona Proposta. Ba ida ne’ebe maka liga ba iha Plan depende ba Polítika Plan tamba ninia parseiru sira hanesan Maharu no parseiru sira seluk tama ona iha data beis Plan Intrenasional se wainhira kuandu iha opurtunidade pasti Plan sei bele konvidade nafatin ami maibe ida ne’e depende mos ba komportamentu Fundasaun Maharu durante Tinan 3 nia laran Maharu halo Servisu kumpri didiak Regras hotu husi Plan katak laiha Difikuldade ruma ou notas ruma ne’ebe diak laiha eru ruma ne’ebe Maharu komete mais kundu Maharu halo kóperasaun ne’ebe diak ho Plan buat hotu lao tuir regras no programa entaun Plan Internasional sei bele rekueñese nafatin” Hatutan Direktur Fundasaun Maharu ba Jornalista Radiu Komunidade Maubisse Mau-Loko 29/06/2022.
Fatin hanesan iha Diskursu Derektur Servisu Edukasaun Municipiu Ainaro Oscar de Araújo hateten husu ba iha Responsbel Eskola no Manorin nain sira Atu utilija ho kuindadu Materiais sira ne’ebe maka oferese ona husi Parseiru Plan Internasional Liu husi Fundasaun Maharu ba iha Eskola Tarjetu iha Municipiu Ainaro.
“Materiais ne’ebe maka ita nia Parseiru sira fó ona husu ba Manorin sira, Kanorin sira kuida konserva para núne’e ninia utolizasaun ne’e bele leva tempu naruk labele ita estraga depois ita tenki husu tan para sira bele apoia tamba laos ita mesak deit mais sei iha Municipiu balu mos nesesita ita nia parseiru sira nia apoiu tamba ne’e hau fiar katak hamutuk ita sei bele” Hameno Direktur Edukasaun Municipiu Ainaro 29/06/2022.
Partisipa iha Aktividade Taka projetu refere iha Salaun Paroquial Ainaro ne’e husi Reprejentante Administrador Municipiu Ainaro, Segundu Komandante PNTL Ainaro, Direktur Edukasaun Municipiu Ainaro, Estudate no Manorin nain husi Eskola Tarjeitu sira, no Ekipa Plan Inertnasional ho ninia Parseiru Fundasaun Maharu.
Jornalista Moisese da silva Magno
Editór Joaquim de Fátima Coutinho
