Racom Maubisse (27/06/2022) Dosente Orientadór husi Universodade Nacional Timor Lorosa’e (UNTL) Fakuldade Agrikultura Departementu Pescas Ciência Marina Abilio Fonseca hateten ba Jornalista Radiu Komunidade Maubisse Mau-Loko Segunda ne’e iha Seremonia inseramentu ba Estudante Husi Departementu Pescas e Ciência Marina hamutuk 45 ne’ebe halao sira nia aktividade Prátika kona ba Hakiak ikan hamutuk ho Komunidade Suku Horaiquic Maubisse Municipiu Ainaro.
“Ekoraja ema para atu han ikan, tamba han ikan ne’e diak liu kompara ho Ayam Potong tamba ayam Potong ne’e iha Kímiku barak iha laran. Ikan ne’e ita han hadia ita nia nutrisaun purezemplu iha omega 6 bele hametin liu tan ita nia saude no ita no halo ita matenek liu tan. Universidade iha mehi ida ita bele atinji em kolaborasaun ho komunidade lokal Liders Komunitariu hotu ita bele produs estudantes barak haruka mai servisu iha ne’e atu ajuda komunidade para atu hametin liu tan hakiak ikan ne’e para promove han ikan” Hateten Dosente Orientador DPCM Universidade Nacional Timor Lorosa’e ba RKMM 27/06/2022.
Jornalista Moises da Silva Magno
Editór Joaquim de Fátima Coutinho
