Racom Maubisse 22/06/2022) Prezidente Projetu Komunitariu (PKR) Aktual Direktora Eskola Secundariu Geral Fernando La Sama de Araújo Municipiu Ainaro, Ana Maria Pereira ralata ida ne’e Liu husi Surumtuk ne’ebe maka halao iha Salaun Edukasaun Municipiu Ainaro Hamutuk ho Prezidente Komisaun G  Parlementu Nasional ho Ekipa Kuarta feira foin lalais ne’e.

Ana Maria Aprejenta katak;

“Ita nia osan ne’ebe maka gastu hamutuk $23.646,10 Centavus ita iha Balansu Agora sei iha $3.181,90 Centavus. Atu hateten deit katak ami mos hasoru difikuldade maka hanesan matreais ne’ebe ita sosa tenki konsentra iha Dili antes atu sosa tenkiser hetan ona aprovasaun husi Obras iha Ministériu nian no nia durasaun iha Dili sei kleur tia maka foin lori mai iha Ami nia Eskola entaun tamba ne’e nia implementasaun tarde itoan. Tuir fila fali ida ne’e ami nia Rai Henek ho Fatuk ne’e maka dók husi ami nia fatin, tamba Rai Henek ami tenki foti husi Haemano no mos Aiasa Fatuk no Rai tebes mos tenkiser foti husi Hato-Builiku maka mai fila fali ida ne’e maka ami nia obstaklu tenki fó hatene ba iha Nai Ulun sira” Aprejenta Prezidente PKR ne’e ba Komisaun G Parlementu Nasional Iha Municipiu Ainaro 22/06/2022.

Entertantu Projetu Komunitariu (PKR) iha Eskola Sekundariu Geral Fernandu La Sama nian maka Konstroi Edefisiu Eskola ida ho Sala 3 no Haris fatin ida.

Biban ida ne’e mos Prezidente Komisaun G Parlementu Nasional ho ekipa observa Direita Projetu Konstrusaun iha Eskola Secundariu Fernando La Sama de Araújo Municipiu Ainaro.

Jornalista             Moisese da Silva Magno

Editór                            Joaquim de Fátima Coutinho