Dir Edukasaun Municipiu Ainaro, 2023 Realija Konstrusaun Foun ba Edefisiu Edukasaun Municipiu Ainaro

0
492 views

Racom Maubisse (22/06/2022) Direktur Servisu Edukasaun Municipiu Ainaro Oscar de Araújo hateten ida ne’e ba Jornalista Radiu Komunidade Maubisse Mau-Loko Wainhira Prezidente Komisaun G Parlementu Nasional ho Ekipa tó no observa Direita Kondisaun Edefisiu Edukasaun Municipiu Ainaro nian ne’ebe kondisaun uma komesa dodok inklui plafon uma nia komesa  monu no fó risku ba Funsionariu ne’ebé maka Servisu iha Laran.

Ho Kondisaun ne’e Direktur Edukasaun Municipiu Ainaro hateten katak;

“Hau rasik lori ona Dezeñu no BOQ entrega ona iha Administrasaun Municipiu Ainaro espera katak 2023 bele realija no fortifika liu tan husi ita Destintus Depuatadu Komisaun G ohin nian iha ne’e” Hateten Oscar de Araújo ba RKMM 22/06/2022.

Ho kondisaun Edefisiu Servisu Edukasaun Municipio Ainaro nian ne’e, Wainhira halao Fiskalizasaun husi Prezidente Komisaun G ho ekipa  hasai mos fotografia hodi bele fortifika liu tan wanhira debate iha Plenaria Uma Fukun Parlementu Nasional.

Tamba ida ne’e ikus hau husu atu foto iha ne’e atu núne’e ida ne’e sai hanesan dukumentu fotografia ne’e sai baje fundamental atu hau bele defende atu Ainaro iha tinan oin mai tenki hetan Kantor ida ne’ebe diak ba Edukasaun iha Municipio Ainaro” Hateten Reprejentate Povu iha Uma Fuku Parlementu Nasional Deputadu António Verdial Sousa 22/06/2022.

Partisipa iha Aktividade Fiskalizasaun ne’e mai husi Direktores Eskola no Inspektur Eskolar husi husi Poststu 4 inklui impletadores Projetu Komunitariu hamutuk 16 iha Municipiu Ainaro.

Jornalista                     Moisese da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments