PNTL Municipiu Ainaro Hatama Reseitas U$ 4.724 Ba Estadu

0
435 views

Racom Maubisse Quarta Feria, 15-06-2022, Polícia Nasionál Timor Leste municipiu Ainaro, iha fulan Janeiru too fulan Maiu tinan ne’e, hatama reseitas ba kofre estadu hamutuk dolar amerikanu rihun haat resin.

BA Radio Komunidade Maubisse Mauloko, Segundu Komandante PNTL Municipiu Ainaro Superintendente Asistente Mario Victor da Costa hateten katak;

“Husi fulan Janeiru to’o Maiu tinan ne’e, PNTL Municipiu Ainaro, liu husi unidade tranzitu rekolla reseitas ba kover estadu hamutuk dolar rihun haat resin, fontes reseitas refere, PNTL Municipiu Ainaro rekolla husi transporte públiku no privadu ne’ebé la iha domunentu, viola regras tranzitu no seluk tan”.

Segundu Komendante PNTL Munisipiu Ainaro ne’e haktuir liu tan katak;

“Tuir planu PNTL Municipiu Ainaro, kada loron sei kontinua halao pasa revista ba transporte públiku no privadu sira, e mos hakarak informa katak hahu fulan Janeiru too Maiu tinan ne’e, PNTL  Municipiu Ainaro rezista kazu asidente tráfeku hamutuk sanu resin tolu”.

Tamba husu ba komunidade sira liu liu motorist sira atu halo viajem karik keta haluhan lori dokumentus motor ho kareta nian nune’e  labele hetan tilan husi ita nia PNTL liu liu tranzitu sira.

Jornalista                        Moises da Silva Magno

Editór                            Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments