PNDS Konstroi ona Uma UKL 27 iha Postu Maubisse ba Faze Dahuluk

0
342 views

Racom Maubisse (13/06/2022) Kórdenador Programa Nasional Dezemvolvementu Suku (PNDS) Poastu Administrativo Maubisse Agostinho Doutel Sarmento Hateten ida ba Jornalista Radiu Komunidade Maubisse Mau-Loko Segunda Feira ne’e Iha Studiu Racom Maubisse Liu Husi Programa Radiu Talk.

Doutel Hateten Konstrusaun Uma ba Familia Kbít Laek (UKL) iha Postu Administrativo Maubisse Hamutuk 27 ba etapa dahuluk tinan 2021.

“UKL ne’e foin implementa iha ida agora ami Survei tama ba Dezeñu no BOQ ne’e hanesan faze Segundu.Faze Premeiru ne’e iha Maubisse Kuaje uma 27 so Fatubesi maka ami halo deit uma 2 iha liu ba ne’e maibe ninia osan sei la lakon tinan ida ne’e maka foin implementa fila fali. No Uma 26 ne’ebe halo iha Maubisse ne’e balu atinji ona 100% atu intrega agora tama hela ba faze preparasaun oinsa atu intrega ba Komunidade sira hodi uja ona” Hateten Kórdenador PNDS Postu Maubisse 13/06/2022.

Nia Hateten Uma ne’ebe maka Konstroi ona Husi Governo ba familia Kbít laek Liu husi Programa Nasional Dezemvolvementu Suku (PNDS)  ne’e nia Konsidera uma ne’ebe maka Dignu ba Komunidade sira liu ba Familia Kbít Laek Sira.

Total orsamentu neebe mak aloka ba programa PNDS iha Posto Maubisse  iha suco tolu mak hanesan  Maubisse Villa, Suco Aituto ho Suco Maulau hamutk $ 204.408 no ba suco ne’en seluk hamtuk $ 153.306.00 ba faze daruak nian.

Jornalista                     Joaquim de Fátima Coutinho

Editór                          Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments