Presidente PARCIC Reiko Inaoue Husi Japaun, Vizita Tos Nain Café Iha Posto Administrativu de Maubisse

0
228 views

Racom Maubisse, 23/05/2022, Coperativa Café Maubisse- COCAMAU hetan vizita especial husi Presidente Parcic Husi Japaun Reiko Inaoue, halao vizita ba tos nain café iha Posto Administrativu de Maubisse Municipiu de Ainaro, no vijita refere hanesan vijita ikus husi Reiko Inaoue, mai Timor Leste, especial iha Maubisse nune’e fila ba Japaun hodi termina nia mandate hanesan Presidente PARCIC.

Depois de halao tina enkontru hos tos nain café iha Maubisse, ba Radio Komunidade Maubisse Mauloko, Presidente PARCIC Reiko Inaoue hateten katak;

“Objektivu ohin halao enkontru iha ne’e tamba parcic servisu hamutuk ho café nain iha maubisse desde tinan 2002, entaun tinan 20 liu ona entaun hanesan mos  Timor Leste realiza restaurasaun independencia no pessoal mente hau atu resigna-an husi nia kargu iha parcic, iha filan Junho, entaun hau mai iha ne’e atu hasoru malu ho membru cocamau sira hodi hato’o hau nia agradecimentu”.

Lideranca PARCIC husi Japaun ne’e haktuir liu tan katak Durante tinan 20 COCAMAU halao esforsu barak hodi dezemvolve Café iha Maubisse no hasae kualidade café;

“Durante tinan 20 COCAMAU halao esforsu barak, atu hadia sira nia kualidade café e mos estabelece sira nia cooprativa, ohin iha enkontru ami koalia buat barak inklui mos, inklui mos falhansu barak hanesan sidi fatuk barak iha klaran, maibe liu husi esperiensia sira ne’e ohin sira dehan katak, ita nia fatin mak hanesan fatin ne’ebe transparan duni, nomos ohin ami kolia katak esperiensia iha COCAMAU membrus ida idak laos hanoin deit sira nia an rasik maibe hanoin oinsa atu fahe benefisiu ba ema hotu, ida ne’e sai esperiensia ne’be diak ba Timor Oan tomak”.

EntertantuReiko Inaoue aprecisia Governu Timor leste ho Autoridad local Maubisse ne’ebe durante ne’e apoia tebes aktividade PARCIC nian iha Timor Leste liu husi espiritu no moral;

“Governu Timor Leste la iha apoia fiziku mai iha ita nia programa iha ne’e, maibe ho espiritu no moral apoia tebes, liu liu autoridade local sira iha Posto Administrativu de maubisse, akompanha no apoia tebes, no uluk iha Maubisse ami apoio mos programa be mos, no husi SAS ami hetan apoia makas, no iha tinan 20 liu baa mi primeira ves ami foin mai iha Maubisse,  ami seidauk iha konhecimentu ida konaba Maubisse, nomos iha tempu ne’eba autoridade local fo informasaun barak mai ami”.

Tamba ne’e Tuir Inaue katak PARCIC nafatin akompanha ho COCAMAU liu liu iha merkadu sosa café atu fan, liu liu iha parte COCAMAU mak aumenta sira nia konhecimentu iha parte ekonomia, e mos liu liu iha area dezemvolvimentu nasaun Timor Leste tamba hasoru hela dezafius bo’ot oinsa difersifika nia ekonomia no karik ekonomia seluk lao iha Timor laran, no espera COCAMAU sei kontribui ba iha area ida ne’e.

Tuir Presidente PARCIC ne’e katak, iha japaun prefere hemu café Maubisse tamba nia kualidade estavel no diak tebes, atu hemu iha dader-dader, maibe kuandu ita hare oinsa kualidade café ne’ebe diak liu entaun café Maubisse seidauk tama to’o iha ne’eba tamba ne’e precise hadiak diak liu tan.

“Atu café kualidade diak primeiro ami hadia café laran, tamba agora komunidade sira ku café husi café hun ne’ebe tuan demais ona, no ida ne’e mos influensia ba kualidade café no ita dehan café ne’e organiku maibe ita la tau buat ida no ba oin ita precosa tau estrumu organiku tau ba café laran, para kuandu ita hadia rai iha café laran maka café nia sabour sei sai diak liu tan”.

Importante liu mak agora COCAMAU iha ona sira nia planu rasik, sira rasik foti desizaun atu halo saida, entaun PARCIC ko’opera ho COCAMAU e laos atu halo saida ba COCAMAU.

Koalia konaba Estarda iha Suco no fatin sira ne’ebe mak PARCIC halao nia servisu ho COCAMAU ne’e Presidente PARCIC Reiko Inaoue  hatene katak;

“Kondisaun Estrada kompara ho tinan 20 liu ba susar tebes maibe agora diak uitoan ona, tamba ne’e iha fulan junho ami sei konvida inseneiro ida husi Japaun hodi  atu hadia dalan tama ba koulolo no ida ne’e hanesan metudo ida atu nune’e oinsa komunidade bele halo manutensaun no hadia ba Estrada”.

Ba oin problema ne’ebe ita hasoru iha area Maubisse mak hanesan mudansa klimatika, tamba ne’e karik ba oin labele laran metin deit ho café, maibe precisa dezemvolve mos produtu sira seluk nune’e bele sustenta komunidade agrikultor sira nia moris.

Jornalista Natalino Mendonca

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments