Racom Maubisse, 22/05/2022, Komunidade Aldeia Lumululi Suco Maulau Posto Administrativu de Maubisse, Municipiu de Ainaro, hulan bidon ho distansia dok hodi kuru be mos uja ba nececidade lor loron.
Relasiona ho situasaun ne’ebe komunidade Aldeia Lumului Suco Maulau Maubisse, hulan bidon hodi ba kuru be mos ho distansia dok, ba Radio Komunidade Maubisse mauloko, Chefe do Suco maulau, Domingo Mendonca, rekonhece situasaun ne’ebe nia komunidade hulan bidon hodi ba kuru be mos ho distansia ne’ebe dok, tamba ne’e tuir lideranca komunitariu Suco Maulau ne’e katak;
“Situasaun be mos ne’ebe mak komunidade aldeia Lumluli Maulau hasoru ne’e los duni tamba kleur ona mak komunidade hasoru situasaun ne’e, maske ami hatama ona proposta ba governu hodi mai dada be mos refere maibe ate agora seidauk bele mai dada, iha programa PNDS iha ona planu hodi mai dada no material local sira balun halibur ona no material balun hansan mangeira iha ona maibe to’o agora seidauk bele mai dada”.
Total komunidade hamtuk 3000 resin mak la asesu ba be mos, tamba ne’e tuir chefe suco ne’e katak durante tempu naruk komunidade iha Aldeia lumululi asesu ba be mos ho distansia dok tebes, hein katak ho politika governu nian liu husi programa PNDS iha tempu badak bele dada ona be mos ba komunidade sira.
Jornalista Natalino mendonca
Editor Joaquim Coutinho
