Vice Pr. Konselho Veteranus M. Ainaro Restaurasaun 20 de Maiu hanesan Loron Reflesaun Hanoin Hikas tinan 20 liu ba ita Ukun-an

0
619 views

Racom Maubisse, 19/05/2022, Kada tinan Estado Timor Leste hamutuk ho Povu Timor leste nomos komunidade Internasional selebra Aniversariu restaurasaun ba independencia 20 de Maiu iha Timor leste, maibe tinan ida ne’e oinseluk uitoan tamba ita komemora 20 anus restaurasaun independencia nomos investidura ba Presidente da Republika, relasiona ho loron restaurasaun 20 de maiu ba dala 20, iha semiteriu jeral Maubisse, Vice Pr. Konselho Veteranus M. Ainaro Sebastião C. Pereira: Selebrasaun Restaurasaun 20 de Maiu hanesan Loron Reflesaun hanoin Hikas tinan 20 liu ba ita Ukun-an

Ba Radio Komunidade Maubisse Mauloko, Vice Pr. Konselho Veteranus M. Ainaro Sebastião C. Pereira: haktuir katak;

“Selebrasaun Restaurasaun 20 de Maiu hanesan Loron Reflesaun hanoin Hikas tinan 20 liu ba ita Ukun-an no ohin ita mai kari aifunan iha ne’e, aban ita halo tinan 20 ba timor nia ukun ann, loron ida ohin loron preparasaun nian, no loron ida aban mak ema dehan timor  ukun ann, tamba ita restaura iha 20 de maiu 2002, mais atu dehan ukun-an ne’e lafasil ita nia maluk sira resistensia luta durante 24 anos hamutuk ho ita sira nee hotu, e laos veteranus deit  mak luta maibe konta ho ita hotu nia luta”

Iha prosesu luta ba ukun rasik-an laos hanesan ema dehan ukun-an ne’e laos ema entrega husi bandeisa maibe ukun-an ne’e sosa ho ruin no ran tamba ne’e tuir Vice Pr. Konselho Veteranus M. Ainaro Sebastião C. Pereira katak;

“Ita nia ukun-an ne’e, lakon ema rihun  atus rua resin, ba timor nia ukun-an,  maluk sira ita dala barak ita koalia ba ukun an mamar los, 1974 Portugal fo ona liberdade mai timor ita nia nain ulun sira saudosu Nicolau Lobatu,  Fransico Xavier, atual prezidente eleitu Ramos Horta, Mari Alkatiri, sira forma Asociasaun ida hanaran ASDT, tamba Portugal fo ona liberdade, nune’e iha 25 de Abril komesa ona UDT mak hari uluk partidu, ho ASDT, tanba saida mak hau dehan UDT hahu ona forma ita nia partido tanba iha invasaun barak ona hanoin barak ona katak hakarak timor ne’e ukun ann tanba UDT mak forma nia partidu uluk hodi dehan ita bele ukun an  maibe ita prepara ita nia matenek no rekursus sira hotu mak hafoin ukun-an, ASDT ne’ebe lideradu husi Fransisco Xavier do Amaral, Apodete nia hakarak halo intgrasaun ba Indonesia, iha 11 de Setembru ASDT muda ba Fretilin hodi halo revolusaun iha timor laran tomak, tanba ne’e maka hodi mosu 28 de Novenbru hodi proclama independencia iha 28 de Novembro 1975. Presidente mak Saudosu Francisco Xavier do Amaral no Saudoso Nicolau Lobato hanesan Vice Presidente”.

La fasil wainhira Timor hakarak independensia total husi ita nia inimigu sira, ita lakon ema hira, ita lakon ita nia heroi hira hodi fakar ran ba rai timor oan ida nee, maibe ita lahaluha ida sira nia luta hodi liberta rai ida nee Iha 1975,  funu ne’e naruk maibe ita manan hodi duni sai inimigu iha tinan 1999, no iha 2022 20 de Maiu

Jornalista :Natalino Mendonca

Editor        :Joaquim De Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments