Racom Maubisse (12/05/2022) Ba Radiu Komunidade Maubisse Mau-Loko Kinta feira ne’e iha Sede Suku Foho-Ailico Postu Administativo Hato-Udo Municipio Ainaro.  Xefe Suku Foho-Ailico Deonato de Araújo Laet hateten, Aktividade limpeja ida ne’e inisia husi Autoridade Komunitaria Suku Foho-Ailico relasiona ho Governu nia dezisaun hodi reativa hikas Arte Marsiais.

“Inisiativa ida ne’e Autoridade Komunitaria Suku Foho -Ailico maka inisia,relasiona ho Governu nia dejisaun reativa fila fali Organizasaun Arte Marsiais nia aktividade tuir Lei, no altera tia ona Lei ne’ebe maka uluk bandu sira halao sira nia aktividades. Entaun ita akomapaña iha ita nia Suku laran depois de Governu anunsia dehan reativa fila fali ona sira nia aktividades no movimentu aktividade Organizasaun Arte Marsiais nian ne’e komesa lao” Dehan Deonato ba RKMM 12/05/2022.

Nia fundamenta ho aktividade limpeja  ne’e hodi hametin liu tan lasu Amizade entre Organizasaun Arte Marsiais no Arte Ritual iha Suku laran hodi Kontribui ba Paz no Estabilidade.

Organizasaun Arte Marsiais no Rituais ne’ebe maka hola parte iha Aktividade limpeja ne’e mai husi Organizasaun Arte Marsiais PSHT,KERA SAKTI, KORK, SERULING DEWATA,no Organizasaun Arte Ritual 77,inklui Organizasaun Arte Ritual Santo Atónio.

Jornalista                     Moises da Silva Magno

Editór                          Joaquim de Fátima Coutinho