MAPCOMS Fo Formasaun Jornalismu Baziku Ba Participantes 11 pessoas iha Sentro Informasaun Suco Mulo Hatobuilico

0
288 views

Hatobuilico Mulo, 12/05/22, MAPCOMS Fo Formasaun Jornalismu Baziku durante loron tolu ba membro Sentro Informasaun Suco Mulo, Posto Administrativu de Hatobuilico Municipiu Ainaro.

Francisco Robinson hanesanTekniku husi Ministériu ba Asuntus Parlamentares no Komunikasaun Sosiál MAPCOMS, liu husi Diresaun Nasionál Diseminasaun Informasaun hateten katak;

“Objetivu husi Formasaun ne’e atu kapasita membru sira ba utilizasaun ka operasaun ba ekipamentus informatika no komunikasaun ne’ebé apoiu husi MAPCOMS hanesan konputador, laptop, camara, tape record nst”. Hateten Francisco.

Husu konaba tambasa mak MAPKOMS hla halao formasaun ba media sira maibe tenke halao fali formasaun ba suco sira, Robinson haktuir liu tan katak;

“SISM hanesan Sentru informasaun komunitaria ida ne’ebé estabele husi MAPCOMS liu husi programa Governu iha Povu nia Le’et “Naroman ba Suku” iha 2021, nune’e bele promove pontensialidade Suco Mulo nian, atu nune’e ema bele hatene no liu husi formasaun ida ne’e, participantes sira bele uja ekipamentus sira hanesan camera, IC Record no komputar hodi promove potensialidade suku Mulo nian liu husi meiu komunikasaun Sosiál ba publiku, hanesan agrikultura, turizmu, kultura, fatin istoriku, atualidade nst”. Haktuir Robinson

Tuir Robinson durante tereinamentu loron rua atu ba ona loron tolu participante sira antusiasmu tebes hodi tuir treinamentu jornalismu baziku ho diak tebes tamba material sira hanesan buat foun id aba sira, maibe participantes sira participa ho maksimu tebes.

Iha fatin hanesan participante Zelia de Araujo haktuir katak;

“ Ha’u hanesan participante sente kontente tebes tamba liu husi treinamentu sira hanesan ne’e oinsa bele kapacita iha opera camera no mos uja ekipamentus sira seluk nune’e bele promove ami nia potensialidade sira iha ami nia suco”. Hateten zelia de Araujo

Tamba ne’e Zelia husu ba ekipa treinador atu tempu tuir mai kontinua nafatin fo treinamentu, hodi nune’e ami bele hatene konaba oinsa sai jornalista ne’ebe diak hodi promove ami nia potensialidade soco mulo nian. Total participante ne’ebe mak participa iha treinamentu durante loron tolu ne’e, hamutuk nain 11….**

Jornalista : Natalino Mendonca

Editor    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments