Racom Maubisse, 30/04/2022 Komunidade no Autoridade Local Suco Mauchiga Lamenta Ho Kompanhia SE-MAUHEIN UNIP LDA, Ne’ebe To’o Agora Seidauk Halakan Ahi Eletricidade iha Mauchiga, tamba Bazeia Ba Akordu Rua Ne’ebe Assina Ona Entre Komunidade Suku Mauchiga Ho Konpania Se Mauhin Unipessoal Lda, Ne’ebe Responsabiliza Obra Eletrisidade Iha Suku Mauchiga Iha Loron No Data Hanesan, Primeiru akordu iha loron 03/03/2019 no Segundu akordu iha loron 01/o2/2022 ate 30/04/2022

Ba Radio Komunidade Maubisse Mauloko, porta voz, Matias da Silva liu husi Konfrensia Imprensa haktuir katak;

“Iha akordu konpania refere kompromete atu finaliza tuir akordu rua  ne’ebe  temi ona iha leten, karik la finaliza tuir data ne’ebe mensiona iha akordu neebe maka assina ona maka konpania refere laiha ona kapasidade no pronto apoiu dezisaun governu nian ba substituisaun konpania seluk atu bele kompleta ou finaliza obra eletrisidade iha Suku Mauchiga”.

Relasiona ho Komunidade no Autoridade Local Suco Mauchiga Lamenta Ho Kompanhia SE-MAUHEIN UNIP LDA, Ne’ebe To’o Agora Seidauk Halakan Ahi Eletricidade iha Mauchiga mak komunidade no Autoridade Suco Mauchiga rekomenda ba;

Súa Excelensia Primeiru Ministru Taur Matan Ruak atu bele tau iha konsiderasaun  ba substituisaun refere hodi bele fianliza obra eletricidade iha tinan nee nia laran 2022, no husu ba Ministeriu Obras Publiko atu fo legalidade ba substituisaun konpania seluk hodi bele finaliza obra eletrisidade iha Suku Mauchiga bazeia ba ezijensia komunidade Suku Mauchiga ba projeitu eletrisidade ne’ebe halao no hahu husi tinan 2015 ate agora seidauk finalize, no ikus liu  husu ba EDTL .EP hanesan parte tekniku ba projetu eletrisidade hotu atu bele kolabora ho konpanhia ne’ebe deit mak sei respomsabiliza hikas projeitu eletrisidade iha suku mau-chiga”.                                    

Iha Fatin hanesan Xefe Suku Mauchiga Guilherme Rodriques Soares  Hateten mos katak;

“Hanesan autoridade lokal ha’u aprezia ba iha joven sira nebe reprezenta komunidade Mauchiga hanesan mensiona tanba sira maka lori povu nia lian  iha karta konferensia pers nebe maka sira halo ona hau agradese tebes, e hanesan autoridade hakarak husu ba governu tanba linna eletrisidade nebe maka implementa ka ezekuta husi kompnhia SE MAUHEIN ne’ebe maka ho nia parseiru divita unipessoal hetan kontratu husi 2014 ate a data signifika iha Quartu governu no setimu governu no oitavu governu ba dala rua nian signifika governu nee troka malu dala tolu ou haat, maibe ami nia ezijensia barak konferensia pers laos mak ohin mais lobuk ida ona halo iha Dili iha Mauchiga rasik partisipa mos husi media sira no veteranus, igreija no joven sira halo konferensia, maibe ita nia govenru nunka rona no tau atensaun ba povu nia halerik iha nakukun laran”.

Tamba ne’e lidernca Komunitariu Suco mauchiga ne’e, husu ba governu iha kanpana halo komprimisu barak iha Timor ne’e hela deit porsentu nebe kiik maka seidauk hetan lina eletrisidade, maibe Suco Mauchiga ho Nunumogue nee hetan kontratu iha 2014 ate agora ami lahatene nia fallasu nee saida, tanba nee maka ami husu liu ba governu liuliu iha ministeriu relevante iha tempu badak sebele karik bolu konpania sira nebe maka hetan kontratu ho nia parseiru atu finaliza obra nee ho lalais. Komunidade nia lian Maromak nian lian, tamba n’e husu atu governu ida ne’e sebele rona povu nia lian halerik sira, basa lian laek sira nia lian soi tebes iha Maromak nia futar oin…***

Jornalista         :Natalino Mendonca

Editor                :Joaquim De Fatima