Racom Maubisse, 24 de Abril 2022, Diocese Sagrado Coração de Jesus Maliana hamrik ka Existe iha dia 24 de Abril 2010 no iha dia 24 de Abril 2022 kompleta ona 12 anus existensia Diocese Maliana nomos Ordenasaun Episcopal Dom Noberto do Amaral kompleta mos 12 anos.

Ba Jornalista Radio Komunidade Maubisse Mauloko, Padre Levinson Verdial Vice Sanceler Diocese Maliana haktuir katak;

“Ohin dia 24 de Abril Amu Bispu Maliana selebra nia ordenasaun ba dala 12 hanesan Bispu ba Diocese Sagrado Coracação de Jesus Maliana nomos Diocese Maliana Celebra nia tinan ba dala 12 hanesan Diocese, tamba ne’e ohin ami selebra eucaristia ida ne’e hodi hasae agradece ba Maromak hodi hanoin hikas Amu Bispu nia ordenasaun Episcopal no Diocese Maliana nia existensia, ho nune’e ohin hamutuk ho Sarani Paroquia Maubara, nomos sarani sira hotu iha Diocese Maliana, amu lulik no madre sira husi paroquai sira hotu selebra eucaristia hodi hasai agradece ba Nai maromak relasiona ho ordenasaun episcopal Amu Bispu nian ba dala 12 no mos tinan 12 diocese maliana hamrik”.

Iha Homilia Bispu da Diocese de Maliana Dom Noberto do Amaral, hato’o agrade ba Parte hotu ne’ebe ajuda ona liu husi Orasaun nune’e bele akompanha Amu Bispu nia viajem husi Timor ba Malasia hodi halao tratamentu, e mos amu bispu husu atu nafatin hamutuk iha Cristo nune’e bele lori diocese maliana ba oin tamba dia 24 de Abril 2022 selebra nia aniverasiru ba dala 12, tamba ne’e husu atu hotu hou servisu hamutuk iha paz dame no domin nune’e bele kontribui ba Diocese Maliana nia future ne’ebe sei mai ho diak liu tan.

Jornalista            : Joaquim Coutinho

Editor                    : Joaquim Coutinho