Kada Tinan Uma Lisan Sira Iha Maubisse Halao Serimonia Kultural Tun Be Ou Ai-Hulun Depois De Pascua

0
1,206 views

Racom Maubisse 23/04/2022 Kada tinan uma lisan hotu iha Posto Administrativu de maubisse sempre halao serimonia kultural tun be matan no mos bidu halaeu betan ho aihun sira hodi hasae agradece ba Maromak liu husi natureza, serimonia hanesan sempre halao mos huis lisan Lokbessi iha Aldeia Aihou Suco Aituto Posto Adm Maubisse.

Ba Jornalista Radio Komunidade Maubisse Romaldo Jose Sarmentu Hanesan Lian Nain Uma Lisan  Lokbessi MAubisse hateten katak;

‘’Ohin ha’u mai hau hamriik husi ha’u nia uma lisan lokbeissi mai iha ha’u nia bee matan aihun, ha’u han lori hau nia bee ha’u hemu lori hau nia bee, nee mak ohin loron ha’u mai halo fukun iha ne’e iha mos feto san mos partisipa lori hanesan ami nia lian mambae katak lori tua aihein ho manu tolun mai  para hodi keo”.

Lia nain Lisan Lokbessi Romaldo Jose Sarmento salienta liu tan katak;

“Uma nia oan sira ne’ebe maka la partisipa maibe bua malus tenki too tamba sira husi uma lisan lokbessi rasik seremonia tuun bee nee hahu iha Domingo resureisaun hahu naroman nian iha domingo kalan no Uma lisan lokbessi iha katuas nain sia mak hanesan koil-bere,  lau-meta, mau-lequi, bere-mali, lik-mau, koil-mali, mau-koso no rua sei iha dook nebe seidauk besik mai”.

Iha fatin hanesan Paulo Doutel Sarmento Hamesan Prezidente Kultura Paroquia Imaculado Coração de Maria Maubisse PICOMA hateten katak;

“Ha’u nia prezensa iha uma lisan lokbessi no bee matan ai-hata nee tuir akordo ida nebe tinan tinan ami sempre foti hahu kedas iha tianan 1983 mai too ohin depois domingo de resureisaun, hahu husi manetu aitemua ba too iha usluli, hahu husi maulobea  balibo ba too eralesu aituto oportunidade ida nebe kultura sira tun ba haksolok hodi ba rekonhese natureza liu husi bee matan no ai-hun, tamba ne’e lisan lokbeis sira hahu ona sira nia seremonia kultura  tun be iha bee matan aihun, hodi rekonhese nai maromak liu husi natureza nee katak iha Maromak,  iha Nai, iha buat hotu hodi iha”.

Serimonia kultural ne’e halao ho tempu naruk ona hahu husi tinan 1983, katak tinan 30 liu ona wainhira Paroquia maubisse hamrik, liu tinan balu, grupo kultural ida ne’eik odi servisu no koopera hamutuk ho parte kultura hotu iha uma lisan hotu ne’ebe esiste iha Maubisse to’o ohin loron hodi monotoriza ba lisan no knua sira liu husi seremonia aihulo ersoin.

Kultura mak ita nia identidade tamba ne’e ba jerasaun foun sira tenke banati tuir atu nune’e promove nafatin ita nia kultura basa kultura mak ita nia identidade.

Jornalista   : Natalino Mendonca

Editor         : Joaquim de Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments