Racom Maubisse 25/04/2022- Fundasaun Nafofila halao sosializasaun ba foinsae sira kolia kona bá saúde reproduktiva no bele asesu ba uma amigavel ne’ebe maka prepara ona.
Ba Jornalista Rakom Mauloko Jacob Ximenes Fereira hateten;
“Fundasaun NAFOFILA parseria ho Plan Internasional hodi prepara fatin ne’ebe maka seguru ba foinsae sira atu bele halo tratamentu, e fatin refere ho objektivo atu halo tratamentu ba foinsa’e sira ne’ebe maka hetan moras saude reproduktiva”.
Jacob Ximenes A. Fereira haktuir liu tan katak;
“Durante ne’e fundasun NAFOFILA hala’o ona sosialisaun iha Munisipio Ainaro inklui ba postu hat kona ba saude reproduktiva no Nafofila prepara fatin ba joven sira atu bele halo tratamentu ho livre maka uma amigavel ne’ebe prepara ona iha Ainaro vila no Hato-builiko iha Aldeia Hautio Mulo Hatobuilico”.
Uma amigavel mak sai hanesan liman ho ain ba foinsae sira nune’e bele hetan taramentu seguru no digno e mos inportante ba joven sira atu ba halao tratamentu, tanba ita koalia konaba saude reprodutivu ita koalia mos konaba saude tamba saude importante, tamba dala ruma sira tauk no labele fo hatene iha centru saude hodi halao atendeminetu, diak liu ba iha uma amigavel senti seguru hodi bele hato oisan moras ne’ebe sira hasoru relasiona ho saude reprodutiva.
Jornalista : Natalino Mendonça
Editor : Joaquim de Fatima
