Fundasaun NAFOFILA Parseria ho Plan halao Sosializasun ba Foinsa’e Sira Konaba Programa Saúde  Reproduktiva

0
537 views

Racom Maubisse 25/04/2022- Fundasaun  Nafofila halao sosializasaun ba foinsae sira  hodi kolia  kona bá saúde reproduktiva no bele asesu ba uma amigavel ne’ebe maka prepara ona, no programa ne’e halao iha municipiu Ainaro.

 Ba Jornalista Rakom Mauloko  Mariana Tilman  hateten katak;

“Fundasaun  MAFOFILA parseria Plan Internasional prepara fatin ne’ebe maka seguru no komfidensial ba foinsae sira atu bele halo tratamentu, e uma amigavel ne’e fatin ne’ebe maka seguru no konfidensial ba foinsae sira atu ba halo tratamentu iha fatin ne’e, no fatin refere  prepara husi Fundasaun NAFOFIA ne’ebe maka hetan apoiu maximu husi plan internasional”. Dehan mariana iha Talkshow Radio ne’ebe Organiza husi Fundasaun NAFOFILA 25 de Abril 2022.

Alende ne’e nia mos hatutan tan katak fatin refere ho objektivo atu halo tratamentu ba foinsa’e sira ne’ebe maka hetan moras iha saude reproduktiva, tamba ne’e Mariana hatutan liu tan katak;

 “Fatin ne’e nia objektivu atu atende foinsae sira ne’ebe maka hetan moras ba iha saude reprodutiva, hanesan alin foin sae sira ne’ebe maka agora daudauk iha ona uma amigavel ne’ebe fatin ida seguru tebes atu atende foin sae sira, tanba iha sentru saude halo atendementu diak tebes maibe presija mos atendimentu ne’ebe diak ba foin sa’e sira atu nune’e  sira bele livre ható sira nia moras sira ne’ebe labele atu deskobre sai iha pùbluku”. Hatutan nia

Durante ne’e Fundasun NAFOFILA hala’o ona sosialisaun iha munisipio Ainaro, inklui ba postu hat hanesan Posto Ainaro Villa rarik, Posto Hatuodo, Posto Hatobuilico nomos Posto Maubisse, kona ba saude reproduktiva no husi NAFOFILA parseria ho Plan Internasional prepara fatin ba joven sira atu bele halo tratamentu ho livre maka uma amigavel  ne’ebe prepara ona iha Ainaro Vila no Hatobuiliko iha Aldeia Hautio Suco Mulo Posto Administrativu de Hatobuilico.

Jornalista : Natalino Mendonsa

Editor       :Joaquim de Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments