Komunidade Ainaro Husu Prezidente Eleitu Taumatan ba Povu nia Moris

0
266 views

Racom Maubisse (19/04/2022) Kommunidade Municipio Ainaro husu ba Kandidatu Prezidente nain rua se maka eleitu karik sai Prezidente 2022-2027, atu nafatin haré prokupasaun Povu nian  kona ba Be Mos, Estrada, Eletrisidade ne’ebe maka durante ne’e Komunidade sira halerik hela, maske iha fatin balun asesu ona.

Felisberto Quintão Hanesan Komunidade Postu Ainaro Villa  hateten ida ne’e hafoin ba ezerse nia direitu hanesan Eleitór.

Tuir Felisberto katak,  Kandidatu Nain rua  se deit maka eleito  sai Prezidente atu nafatin servisu hamutuk ho Governu  no Liña Ministériais hotu  hodi tau matan ba prokupasaun  ne’ebe Komunidade Municipio Ainaro infrenta, hanesan Be Mos, Estrada, no Roman Eletrisidade ne’ebe maka Komunidade sira halerik hela.

“Mensajen ba Prezidente ne’ebe maka atu eleito ba kaer iha Governasaun ida ne’e se karik bele tau mós atensaun ba Povu kík sira ne’ebe maka haelrik hela. No mós haré ba fatin sira ne’ebe maka menus Be,Estrada, Eletrisidade, no mós menus ba Aihan ba Komunidade sira iha Municipio Ainaro. Mai Prezidente Repúblika ne’ebe maka eleito agora atu husu tan servisu hamutuk ho liña Ministérial hotu especialmente ba Edukasaun, Saude Agrikultura,no liña Minitérial hot-hotu hodi núne’e ita nia Dezemvolvementu bele lao ho susesu no bele lao ho diak” Dehan Felisbertu ba RKMM 19/04/2022.

Nune’e mos Pedro Mendonca hanesan komunidade ida iha Posto Administrativu de Maubisse, rekomenda mos ba Presidente foun ne’ebe mak sei mai atu;

“Servisu hamutuk ho Governu Parlamentu nune’e bele trasa programa ne’ebe diak hodi  hadia povu nia moris, liu husi seitor edukasaun, be mos, eletricidade, Estrada, saude, agrikultura nomos ekonomia povu nian”.

Iha fatin hanesan Domingos da Conceicao Pires Eis Chefe Suco Horaquic Mos Haktuir liu tan katak;

Hanesan komunidade ida hakarak rekomenda ba presidente foun ne’ebe mak povu fo fiar atu ukun iha tinan lima oin mai sebele taumatan ba komunidade nia halerik sira hanesan be mos, eletricidade, saude, Estrada, ekonomia tamba oras ne’e dadaun folin sasan iha merkadu as tebes, tamba ne’e husu ba president eleitu atu servisu hamutuk ho parte hotu nune’e bele taumatan ba komunidade nia moris”.

Entretantu tuir Observasaun Jornalista Radiu Komunidade Maubisse  Elisaun Prezidemsial Segundu Ronde iha Municipio Ainaro hahu husi oras 7:00 tó 15:00 Lokraik lao ho diak tó remata.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments