Maubisse (10/04/2022) Domingu Loron 10 fulan Abril 2022 foin dadaun ne’e iha Maubisse, Comisaun Polítika Nasional Partidu CNRT, Hamutuk Estrutura Postu Administrativo Maubisse halao Aktividade Mini Kampaña Elisaun Prezidensial Ronde da Ruak ba Kandidatu husi Partidu CNRT José Rmos Horta iha Suku Horaiquic Postu Administrativo Maubisse Municipio Ainaro.
Iha Mini Kampaña ne’ebe maka Hetan Partisipasaun husi Militantes no Simpatizantes Partidu CNRT, hamutuk ho Estrutura Partidu PD, no PUDD iha Suku Horaiquic ne’e, Premeiru Vise Komisaun Polítika Nasional Partidu CNRT Amandio Benevides iha nia Diskrsu hateten Partidu CNRT Liu husi Prezidente Partidu Kay Rala Xanan Gusmão tula liman ba José Romos Horta tamba atu hadia Timor Leste nia naran iha Mundu.
“Tamba saida maka Maun Bót Xaanan iha Periode 2022-2027 ne’e hakarak hatude Prezidente Repúblika ne’e maka Dr. José Ramos Horta, Nusa la hili deit Dr.Lú-Olo ona? Maun Xanana tula lima ba Dr. José Ramos Horta iha 2012-2017 ba Dr. José Rmos Horta hodi Resolve Situasaun Krizi 2006 ne’ebe maka ema bolu naran Krizi Militae í Polítika, Entaun Maun José Ramos Horta iha Tempu ne’eba iha Premeiru Ministru foti ba Prezidente reskolve sitiasaun Krizi ne’ebe maka akontese Timor-Oan oho malu ema barak halai kuaje Dujentus Mil habitantes iha Dili laran halai, balun iha Municipio mós halai ba iha fatin Refuziadus. Situasaun ne’e Ramos Horta hanesan Prezidente Ajuda Maun Bót Xanana Resolve Krizi. Depois liu tia ida ne’e Maun Xanana hanoin hodi dehan Ramos Horta o deskansa itoan tamba situasaun diak ona hau temki har’e fali hau nia maluk ida ne’ebe maka ami nain rua hamutuk iha Ailaran bainhira ema kaer tia hau hau hatudu dehan nia troka hau, kuandu mós Mau-Huno ema kaer tan, Hatudu ita nia Jenderal Taur Matan Ruak iha Situasaun ne’eba. Liu tia Situasaun ne’e Maun Xanana hanoin fali, hau nia belun Kompañeru da Luta ba deskansa ona fó fali ba Alin Lú-Olo iha 2017 tó mai 2022 Agora. Maun Xanana haré tan dehan tó ona ita bót ukun ona tinan 5 ita bót halo ka lahalo Povu maka fó Julgamentu í hau haré katak ita moris hela iha situasaun Krizi nia laran ita bót la cocok ka la par rezolve problema. Maun Xanana hanoin fali Krizi ida hanesan ne’e uluk hau lao ho Prezidente ida ne’ebe maka resolve Situasaun agora ne’e Timor nia naran iha Mundu la dun diak ona ita hadau malu poder laiha Demokrásia lolos buat hotu ne’ebe maka Estadu infrenta agora dadauk ne’e la lao tuir lei, tamba ne’e maka ita tenki hadia buka ema seluk ida” Deklaran CPN Amandio iha Suku Horaiquic Maubisse Municipio Ainaro 10/04/2022.
Tamba ne’e CPN Partidu CNRT ne’e husu ba iha Militantes no Simpatizantes Partidu CNRT, Organizasaun ho Movimentu sira ne’ebe maka fó apoiu ba Kandidatu José Ramos Horta, Partidu PD, PUDD iha Postu Administrativo Maubisse Municipio Ainaro, hili Kandidatu Prezidente Horta iha Elisaun Prezidensial Ronde da Ruak ne’ebe maka sei monu iha loron 19 fulan Abril 2022, hodi hadia hikas Timor Leste nia naran iha Mundu Internasional.
“Tamba ne’e hili Dr. Ramos Horta bele ajuda Governu ida mai, ne’e los Programa Prezidente nian, Maibe Kompetensia Prezidente nian, atu ajuda Governus hadia fali Timor nia oin ne’ema dois tia ona, foer tia ona iha Mundu. Atu núne’e Mundu Internasional bele fiar para ema bele lori ema nia osan mai, ne’ebe ita fó poder ba José Ramos Horta iha dia 19 de Abril 2022 atu bele sai Prezidente Republika hodi hadia situasaun sira ne’ebe ohin hau esplika ne’e” Hatutan CPN CNRT ne’e 10/04/2022.
Fatin hanesan Kórdenador Partidu CNTR Postu Administrativo Maubisse Sebastião Castro Pereira “KAKATUA” ba Militantes no Sipatizantes sira iha Suku Horaiquic Postu Administrativo Maubisse Municipio Ainaro Kuntinua hameno;
“Dia 19 ita sei Vota tan dala ida mais ba ema nain rua deit, maka José Rmos Horta ho Dr.Lú-Olo, sira nain rua maka kompete iha Segundu Ronde. Atu heteten deit ba ita bót sira tamba saida maka Movimentu hot-hotu hamrik fó Apoiu ba Partidu CNRT ne’e? Tamba ema haré katak Maun Xanana ne’e atu tun ba Tasi ona, nia atu monu deit ona lahalo buat ida, tamba ne’e maka movimentu sira hotu iha Timor Laran Tomak hamrik Apoiu Partidu CNRT hodi foti fila Maun Xanana, Maun Rmos Horta para sira rua bele ukun fali Governu ida ne’e hadia fali Rai ida ne’e sai hakmatek. Tamba ne’e husu ba Veteranus sira, liu-liu ba Militantes sira lalikan hanoin buat barak iha dia 19 ita hotu ba Vota ba Numeru ida (1)” Hameno Sebastião Castro Pereira “KAKATUA”10/04/2022.
Aktividade Mini Kampña ne’e iha Suku Horaiquic Maubisse lao ho Susesu tó remta, Tamba hetan Seguransa Másimu tebes husi Polisia Esquadra Postu Administrativo Maubisse, no hetan Seprevisaun husi Ofisial Supervisaun Eleitoral CNE.
No aktividade hanesan Sei halao hikas iha Canurema Suku Maubisse Villa iha Tersa Loron 12 fulan Abril, ne’ebe sei hola parte mós husi Segundu Vise Presidente CNRT Gil da Costa Monteiro “Oan Soro” iha Canurema Postu Administrativo Maubisse Municipio Ainaro.
Jornalista Moises da Silva Magno
Editor Joaquim de Fátima Coutinho
