CARE HATUTAN Halao Programa Feira Saude Escolar iha EBF 1,2 Sarlala Balibo Maubisse

0
278 views

Racom Maubisse, 09/04/2022, CARE HATUTAN Halao Programa Feira Saude Escolar iha EBF 1,2 Sarlala Balibo Maubisse ho tema; “Moris Diak no Aprende Diak”.

Ba Radio Komunidade Maubisse Mauloko, Casilda Soares Gomes Nudar Jerente Ba Programa Saude Generu Iha Care Hatutan  Munisipiu Ainaro haktuir katak;

“Aktividade ida nee hanesan aktividade nebe maka ami halo tia ona durante nee, ami hahu husi tinan kotuk iha Postu rua Postu Hatuodu Iha Eskola Luro no mos Postu Hatubuiliku  E,B,F 1,2, Ernaru no ida nee hanesan atividade ba datoluk ba feira saude nian ne’ebe maka ohin loron ita realize iha E,B,F 1,2 Sarlala Balibo Maubisse”.

Casilda Soares Gomes Hatutan liu tan ktak:

“Objektivu husi atividade ida ne’e maka ita hakarak anima ita nia alin oan sira oinsa atu promove atividade extra kurikular iha sira nia escola”.

Relasiona ho aktividade ne’ebe halao husi CARE HATUTAN ho programa Feira Saude Escolar iha EBF 1,2 Sarlala Balibo Maubisse ho tema; “Moris Diak no Aprende Diak, Joao Maria Mendonca Hanesan Kordenador Eb,F 12 Sarlala Balibo  Hateten katak;

“Kona Ba Feira Saude Eskolar nee hatudu katak moris diak, aprende diak entaun liu husi feira ida nee ita bele kumpriende moris diak nee hanesan saida I aprende diak nee hanesan saida, tamba ne’e ita presija mos kondisoens eskola hahu husi sala laran too materias de ensino aprendisajen tenki kompletu nunee estudante sira bele aprende diak iha eskola ida nee”.

Pedro Mendona Hanesan Inpektur Escolar Zona A ne’ebe lori Direktor Munisipiu Ainaro ba CARE Hatutan no inan aman, alunus no mestre sira haktuir katak;

“Ha’u lori Director Edukasaun Municipiu Ainaro nia naran  hato’o agradese no louva tebes  ba atividade sira nebe maka parseiru internasional no parseiru lokal mai fo apoiu mai iha Eskola EBF 1,2, Sarlala Balibo, ne’ebe halao kompetisaun  konaba feira saude diak, aprende diak”.

Husi kompetisaun nee oinsa, parte edukasaun observa no hare katak buat lobuk ida CARE HATUTAN halao konaba Saude escolar lao diak tebes no husu atu kontinua nafatin ba mos escola sira seluk iha Municipiu Ainaro, nune’e bele motiva estudante no inan aman sira iha Eskola sir abele kontinua aktivdades ida ne’e iha futuru.

Aktivdades ne’e halao durante lorn ida, ne’ebe hetan participasaun husi Reprezentante Director Edukasaun Municipiu Ainaro, em nome Inspektur Escolar Zona A Pedro Mendonca, Reprezentan MSSI Municipiu Ainaro, Reprezentante Saude, Inan aman alunus sira nian mos komunidade ne’ebe hela besik iha escolar refere.

Jornalista      Natalino Mendonca

Editor             Joaquim De Fatima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments